+7 (701) 759 90 19 Лента
20 °С : استانا
21 °С : الماتى
USD 340.27 EUR 396.31
RUB 5.39 CNY 52.39
جاڭالىقتار

ەگەر كومپيۋتەرىڭىز كوپ «ويلاناتىن» بولسا

14 ماۋسىم 02:07 357
:ءبولىسۋ
ەگەر كومپيۋتەرىڭىز كوپ «ويلاناتىن» بولسا

 استانا. قازاقپارات - Windows قولدانۋشىلارى ءۇشىن ءتۇرتىپ الار دۇنيە.. . ەگەر كومپيۋتەرىڭىز ءسىز بۇيىرعان تاپسىرمانى ورىنداماي، ەكرانداعى كورىنىس ءبىر ورىندا قاتىپ قالاتىن بولسا، مىنا كەڭەستەر قاپەرىڭىزدە بولسىن.

 ءبىر ۋاقىتتا بىرنەشە باعدارلامادا جۇمىس جاساۋ كەزىندە ءجيى ۇشىراساتىن بۇل ماسەلەدەن وڭاي قۇتىلۋ ءۇشىن پەرنەتاقتا كومەگىمەن جاسىرىن امالداردى ورىنداۋ كەرەك. گرافيكالىق قوسالقى جۇيەنى قايتا ىسكە قوسۋ بۇل ارەكەت تەك Windows 8 جانە Windows 10 وپەراتسيالىق جۇيەسىندە جۇزەگە اسادى. كومپيۋتەر ءوز جۇمىسىن قيىندىقپەن اتقارعان كەزدە پەرنەتاقتادان Win+Ctrl+Shift+B پەرنەلەرىن باسىڭىز. ارەكەتتىڭ ىسكە اسقانىن پەرنەلەردى باسقاننان كەيىن شىققان دىبىستى سيگنال ارقىلى بىلەسىز. بارلىق باعدارلامالار اشىق كۇيىندە ساقتالىپ تۇرادى. سوڭعى كورىنىس قالپىنا كەلەدى. بۇل امالدىڭ جۇزەگە اسۋىنا قۇرىلعىداعى گرافيكالىق كارتانىڭ السىزدىگى نەمەسە قۋاتتى بولۋى اسەر ەتپەيدى. NVIDIA، AMD جانە Intel كارتالارىندا بىردەي جۇمىس ىستەيدى. كومپيۋتەر بۇيرىقتى كەش ورىنداپ جاتقان جاعدايدا، ويىن ويناۋ بارىسىندا ەكرانداعى كورىنىستى ءوز جىلدامدىعىندا بەرە الماي جاتقان كەزەڭدە نەمەسە قۇرىلعى ۇيقى رەجيمىندە تۇرعان جاعداي دا وسى پارمەندى ورىنداۋعا بولادى. تىعىرىقتان شىعۋدىڭ باسقا دا تاسىلدەرى جۇمىس جاساۋ بارىسىندا ەكران قارا تۇسكە بويالسا Ctrl + Alt + Delete نەمەسە Ctrl + Shift + Esc پەرنەلەرىن باسۋ ارقىلى «ماسەلەلەر ديسپەتچەرىنە» كىرىپ، قيىندىق تۋدىرعان باعدارلامانىڭ جۇمىسىن توقتاتۋعا بولادى. Alt + Tab, Win + Tab باتىرمالارىن باسۋ ارقىلى دا، باياۋ جۇمىس جاساعان باعدارلامانى جاۋىپ، نەگىزگى جۇمىس ۇستەلىنە كوشە الاسىز.

ەگەر ءسىزدىڭ كومپيۋتەرىڭىز جوعارىداعى ءتاسىلدىڭ بىرەۋىن دە ورىنداي الماعان جاعدايدا قۇرىلعىنى وشىرۋگە تۋرا كەلەدى. ول ءۇشىن قوسۋ/وشىرۋ تەتىگىن 10 سەكۋند شاماسىندا باسىپ تۇراسىز. كومپيۋتەر وشكەننەن كەيىن 5 مينۋت كۇتىپ، سودان كەيىن قايتا قوساسىز. بۇل ارەكەتتە قولدانار باسقا امال قالماعاندا عانا بارىڭىز. ەگەر وسى ءادىستى ءجيى قايتالاي بەرسەڭىز، قۇرىلعىنىڭ ىستەن شىعۋ ىقتيمالدىعى دا جيىلەيدى. ەگەر ەكراندا كوك ءتۇس پايدا بولسا، بۇل ارەكەتتىڭ ءبىرى دە پايداعا اسپايدى. كوك ءتۇستى ەكران -  Windows وپەراتسيالىق جۇيەسىندە اقاۋ پايدا بولىپ، سونىڭ سالدارىنان باعدارلاما ىستەن شىققانىن بىلدىرەدى.

Massaget.kz


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات