+7 (701) 759 90 19 Лента
-11 °С : استانا
-15 °С : الماتى
USD 374.47 EUR 421.43
RUB 5.54 CNY 53.77
جاڭالىقتار

يلون ماسك تامىزدا تاعى تاڭعالدىرماق

14 ماۋسىم 03:20 482
:ءبولىسۋ
يلون ماسك تامىزدا تاعى تاڭعالدىرماق

 استانا. قازاقپارات - تامىز ايىندا Tesla ەلەكتركولىگى Autopilot باعدارلامالىق جاساقتاماسىنا جاڭارتۋلار ەنگىزەدى. بۇل جايىندا كومپانيانىڭ كەڭەس ءتوراعاسى جانە اتقارۋشى ديرەكتورى يلون ماسك مالىمدەدى.

 الماتىدا اۋرۋدىڭ الدىن العىسى كەلگەندەر ارنايى ماسكا تاعىپ ءجۇر. ال ماسك بۇل كۇندەرى نە ىستەپ ءجۇر؟ يلوندى كوشەدە كورسەڭ «يلي ون؟ يلي نە ون؟ » دەپ بىرەۋمەن شاتاستىرا المايسىڭ. سەبەبى، الەمنىڭ نازارى وسى ءبىر تۇلعاعا اۋعان. ونىڭ تەگى دە، ءتۇرى دە، جاڭالىعى دا، جاساپ جاتقان جۇمىستارى دا جەر جۇزىندەگى 7 ميلليارد ادامنىڭ اۋزىندا ءجۇر. «الەمدى تەگىن wi-fi-مەن قامتاماسىز ەتەم» دەپ عالامدىق جاڭالىق جاساعان ماسك بۇل جوسپارىن جۇزەگە اسىرۋ جولىندا بىلەك سىبانا كىرىسىپ كەتكەنىنەن دە حاباردارسىز. ودان قالدى، «جەر استىمەن تۋنەل جۇرگىزىپ، ساعاتىنا 355 شاقىرىم جىلدامدىقتى باعىندىراتىن ۆاكۋۋمدى ترانسپورتتى حالىقتىڭ يگىلىگىنە ۇسىنامىن» دەگەن جوسپارى تاعى بار. جاڭا عاسىردىڭ شىمىلدىعىن ءتۇرىپ، جاڭا مىڭجىلدىققا جاڭاشا كوزقاراسپەن قاراعان ماسك مىرزا جولىن كەس- كەستەگەن قاي- قاي كەدەرگىنى دە ىسىرىپ، جولىنداعى اق باستى اسقار تاۋلاردى دا ورتاسىنان قاق جارىپ كەلەدى. الداعى ۋاقىتتا جۇرگىزۋشىسىز باسقارىلاتىن Tesla كولىگىندەگى جۇيەگە بايلانىستى ءبىر ينتەرنەت تۇتىنۋشىسى سۇراق قويىپتى. وسى سۇراققا جاۋاپ بەرۋ بارىسىندا ماسك الداعى ءبىر- ەكى ايدا ورىندالاتىن جوسپارداعى جۇمىستارىنىڭ شەتىن شىعارىپ، ماسك تۋراسىندا اقپاراتقا سۋساپ قالعان باسىلىمداردىڭ ءشولىن قاندىردى.

«ءدال قازىرگى ۋاقىتتا «اۆتوپيلوت» جۇيەسىندەگى بارلىق رەسۋرستار ءبىرىنشى كەزەكتە قاۋىپسىزدىككە نەگىزدەلگەن. ازىرشە كولىك جارتىلاي جۇرگىزۋشىنىڭ كومەگىمەن باسقارىلادى. ال تامىزدان باستاپ، جۇرگىزۋشىسىز باسقارىلاتىن جۇيەگە كوشەدى» . جۇرگىزۋشىسىز باسقارىلاتىن باسقا دا كولىك تۇرلەرىنىڭ بىرنەشەۋى بۇل كۇندەرى سىناقتان ءوتىپ ءجۇر. ءبىراق، وسى جاڭالىقتىڭ سوڭى قايعىلى اپاتتارعا، ادام ولىمىنە سەبەپكەر بولعانىن حابارلاپ تا ءجۇرمىز. وسى جاعدايلارعا بايلانىستى، ادامزات ءوز ءومىرىن روبوتتىڭ قولىنا بەرگىسى كەلمەيدى. ول ورىندى دا. ءبىراق، امەريكالىق ميللياردەردىڭ بۇل جايىندا پىكىرى بولەك. «جۇرگىزۋشىسىز باسقارىلاتىن كولىك -  ءدال قازىرگى ادامنىڭ ءوز قولىمەن، اياعىمەن باسقارىپ جۇرگەن كولىكتەرىنەن قاۋىپسىز. Tesla نىڭ جۇرگىزۋشىسىز باسقارىلعان كولىگى سىناق كەزىندە ساتسىزدىككە ۇشىراپ 1 ادامنىڭ توبىعىن ءسال شىتىناتىپ جىبەردى. بۇل جاڭالىق باسپا سوزدە ءبىرىنشى بەتتە جازىلدى. ال، بىلتىرعى جىلى  40000 ادام قازا تاپقان كولىك قاقتىعىسى جايلى ەشكىم جازبادى. مۇلدە دۇرىس ەمەس» .

Massaget.kz


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات