الماتىدا ج و و- لاردىڭ سىبايلاس جەمقورلىققا قارسى مونيتورينگ جۇيەسى ازىرلەندى
دەپ حابارلايدى قازاقپارات اتالمىش جوبالاۋ وفيسى باسپا ءسوز قىزمەتىنە سىلتەمە جاساي وتىرىپ.
مونيتورينگ جۇيەسى رەسپۋبليكاداعى جەتەكشى ۋنيۆەرسيتەتتىڭ جالپى 16 مىڭنان استام ستۋدەنتتەرى مەن وقىتۋشىلارىن قامتىعان. مونيتورينگ ءادىسناماسى «وقىتۋشى ستۋدەنتتەردىڭ كوزىمەن»، «وقىتۋشى ارىپتەستەردىڭ كوزىمەن»، «ستۋدەنتتەردىڭ قاناعاتتانۋىن باعالاۋ»، «ۋنيۆەرسيتەت تۇلەكتەردىڭ كوزىمەن»، «سىبايلاس جەمقورلىقتى قابىلداۋ يندەكسى» سياقتى جاپپاي جانە ىرىكتەلگەن سۇراق- جاۋاپتارعا نەگىزدەلگەن ساۋالنامالار سەرياسىن قامتيدى. ولار ج و و- داعى سىبايلاس جەمقورلىققا قارسى ساياساتتىڭ جاي- كۇيىن جانە تيىمدىلىگىن باعالاۋدىڭ ءبىرىڭعاي جۇيەسىن قۇرايدى.
ءال- فارابي اتىنداعى قازۇۋ- دىڭ «سىبايلاس جەمقورلىقتان تىس ۋنيۆەرسيتەت» اتتى جوباسىنىڭ اياسىندا جەتى جىل بويى قالىپتاستىرىلعان پراكتيكالىق ازىرلەمەلەرى وعان نەگىز بولدى. اتالمىش جوبانى جۇزەگە اسىرۋ ۋنيۆەرسيتەتتىڭ بارلىق سالالارىندا جەمقورلىققا قارسى تەحنولوگيالار كەشەنىن ەنگىزۋدى جانە ولاردىڭ تيىمدىلىگىن ۇنەمى باعالاۋدى قامتاماسىز ەتتى.
«سىبايلاس جەمقورلىققا قارسى ءىس- قيمىل مونيتورينگى جۇيەسى ستۋدەنتتەر مەن وقىتۋشىلار تۇرعىسىنان سىبايلاس جەمقورلىقتى قابىلداۋ يندەكسىن انىقتاۋعا مۇمكىندىك بەرەدى. ول وقىتۋشىلاردىڭ كورپوراتيۆتىك مادەنيەت نورمالارى مەن كاسىبي قۇندىلىقتاردى ۇستانۋى، ءبىلىم بەرۋ جانە وقۋ- تاربيە ۇدەرىسىنىڭ اشىقتىعى، وقۋ جەتىستىكتەرىن باعالاۋدىڭ وبەكتيۆتىلىگى جانە اكادەميالىق شىنايىلىق، كورسەتىلەتىن قىزمەت ساپاسى دەڭگەيىمەن قاناعاتتانۋ دارەجەسى جانە جوو ورتاسىندا جوسىقسىز پراكتيكالاردىڭ تارالۋى سياقتى ماڭىزدى پارامەترلەر بويىنشا باعالاۋدى قامتيدى»، - دەلىنگەن حابارلامادا.
اۋقىمدى زەرتتەۋلەردىڭ قورىتىندىسى بويىنشا فاكۋلتەتتەر مەن كافەدرالاردىڭ سىبايلاس جەمقورلىققا قارسى رەيتينگىسى جاسالدى، ونىڭ ناتيجەلەرى قازۇۋ عىلىمي كەڭەسىنىڭ وتىرىسىندا كەڭىنەن تالقىلاندى. «SANALY URPAQ» جوبالاۋ وفيسىنىڭ باسشىسى قايىرجان توقۋشيەۆ اتاپ وتكەندەي، مۇنداي الەۋمەتتىك زەرتتەۋلەر بارلىق جوعارى وقۋ ورىندارىندا جۇرگىزىلۋى ءتيىس، ويتكەنى بۇل سىبايلاس جەمقورلىقتىڭ الدىن الۋ جانە وعان قارسى كۇرەس بويىنشا ناقتى شارالاردى ۋاقىتىلى قالىپتاستىرۋعا كومەكتەسەدى. جوبالاۋ وفيسى مونيتورينگ جۇيەسى مەن ونى وتكىزۋ تاجىريبەسىن الماتىداعى بارلىق ج و و- لارعا سىبايلاس جەمقورلىققا قارسى ءىس- قيمىلداردى زەرتتەۋ جانە پايدالانۋ ءۇشىن ۇسىناتىن بولادى.
ايتا كەتەرلىگى، «SANALY URPAQ» جوبالىق وفيسى كوكتەمدە ءال- فارابي اتىنداعى قازاق ۇلتتىق ۋنيۆەرسيتەتى نەگىزىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ باستاماسىمەن اشىلعان. اگەنتتىكتىڭ ءتوراعاسى اليك شپەكبايەۆ، الماتى قالاسىنىڭ اكىمى باۋىرجان بايبەك جانە ءال- فارابي اتىنداعى قازۇۋ- دىڭ رەكتورى عالىم مۇتانوۆ ءبىلىم بەرۋ سالاسىنداعى سىبايلاس جەمقورلىققا قارسى ءىس- قيمىل تەتىكتەرىن ەنگىزۋ تۋرالى ءۇش جاقتى كەلىسىمگە قول قويعان بولاتىن.