وڭتۇستىك قازاقستان وبلىسىنىڭ اكىمشىلىك- اۋماقتىق قۇرىلىسىنا وزگەرىستەر ەنگىزىلدى - ەلباسى جارلىعى

استانا. قازاقپارات - ەلباسى نۇرسۇلتان نازاربايەۆ وڭتۇستىك قازاقستان وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى جارلىققا قول قويدى. بۇل تۋرالى اقوردانىڭ باسپا ءسوز قىزمەتى حابارلايدى.

«قازاقپارات» ح ا ا وقىرمان نازارىنا قۇجات ءماتىنىن ۇسىنادى.

***

وڭتۇستىك قازاقستان وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى

«قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» 1993 -جىلعى 8 - جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:

1. وڭتۇستىك قازاقستان وبلىسىنىڭ قۇرامىندا مىناداي:

1) وڭتۇستىك قازاقستان وبلىسىنىڭ ماقتارال اۋدانىن ءبولۋ جولىمەن اكىمشىلىك ورتالىعى جەتىساي قالاسىندا بولاتىن جەتىساي اۋدانى، اكىمشىلىك ورتالىعى مىرزاكەنت كەنتىندە بولاتىن ماقتاارال اۋدانى؛

2) وڭتۇستىك قازاقستان وبلىسىنىڭ سارى اعاش اۋدانىن ءبولۋ جولىمەن اكىمشىلىك ورتالىعى سارى اعاش قالاسىندا بولاتىن سارى اعاش اۋدانى، اكىمشىلىك ورتالىعى اباي اۋىلىندا بولاتىن كەلەس اۋدانى اكىمشىلىك- اۋماقتىق بىرلىكتەرى قۇرىلسىن.

2. قازاقستان رەسپۋبليكاسىنىڭ ۇكىمەتى وسى جارلىقتىڭ 1-تارماعىن ىسكە اسىرۋ جونىندە قاجەتتى شارالار قابىلداسىن.

3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ

 پرەزيدەنتى ن. نازاربايەۆ

استانا، اقوردا، 2018 -جىلعى 5 - ماۋسىم

 № 698