ماسكەۋدە قازاقستاننىڭ مەملەكەتتىك رامىزدەر كۇنى اتالىپ ءوتتى
«ءبىز ءۇشىن مەملەكەتتىك رامىزدەر قازاقستان تاۋەلسىزدىگى مەن وزگەشەلىگىنىڭ اسا ءقادىرلى بەلگىسى بولىپ تابىلادى. شەت ەلدە ءبىلىم الىپ جاتقان قازاقستاندىق ستۋدەنتتەر ءوز ورتالارىندا ەل مادەنيەتىن، ءبىلىم الەۋەتىن، ءتىپتى مەملەكەت بولاشاعىن تانىتۋدا. بۇگىنگى مەملەكەتتىك رامىزدەر كۇنى ءبىز وسى جاۋاپكەرشىلىگىمىزدى سەزىنىپ، مەرەكەلى كوڭىلىمىزدى وسىلاي جينالىپ بىلدىردىك» - دەدى «جاس تۇلپار» رەسەيدەگى قازاقستاندىق ستۋدەنتتەردىڭ بىرلەستىگىنىڭ باسشىسى مۇحتار بايماعۇلوۆ.
«مەملەكەتتىك رامىزدەر ءار ازاماتتىڭ جۇرەگىندە ەرەكشە ورىن الادى. سەبەبى مەملەكەت دەگەنىمىز - ول تەك اۋماق، قارۋلى كۇشتەر جانە شەكارا عانا ەمەس، ونىڭ نەگىزگى قۇرامى ءبىز - ەل ازاماتتارى. بۇگىنگى قولىمىزداعى بايلىعىمىز ەن الدىمەن مەملەكەتتىگىمىز بار بولۋىنىڭ ارقاسىندا. وسى مەملەكەتتىگىمىزدى ودان ءارى نىعايتۋعا تىرىسۋىمىز قاجەت»، - دەدى ممۋ ماگيسترانتى بولات كەرىمبەك.
ءىس-شارانى ۇيىمداستىرۋعا «بولاشاق» حالىقارالىق باعدارلامالار ورتالىعى جانە «جاس تۇلپار» رەسەيدەگى قازاقستاندىق ستۋدەنتتەردىڭ بىرلەستىگى قولداۋ رەسەيدەگى قازاقستان ەلشىلىگىنىڭ باستاماسىمەن كورسەتتى.