+7 (701) 759 90 19
-8 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

اقتوبەدە اشارشىلىق جانە ساياسي قۋعىن-سۇرگىن قۇرباندارىنا ەسكەرتكىش ورناتىلىپ جاتىر

29 مامىر 08:44
:ءبولىسۋ
اقتوبەدە اشارشىلىق جانە ساياسي قۋعىن-سۇرگىن قۇرباندارىنا ەسكەرتكىش ورناتىلىپ جاتىر

اقتوبە. قازاقپارات - اقتوبەدە اشارشىلىق جانە ساياسي قۋعىن-سۇرگىن قۇرباندارىنا ارنالعان ەسكەرتكىش ورناتىلىپ جاتىر، دەپ حابارلايدى قازاقپارات ءتىلشىسى.

اقتوبە قالاسىندا اشارشىلىق جانە قۋعىن-سۇرگىن قۇرباندارىنا ارنالعان ەسكەرتكىش بەلگى قويىلىپ، شاعىن اللەياعا قايتا قالپىنا كەلتىرىلەدى. قازىر ەسكەرتكىش ورناتۋ، كوگالداندىرۋ، اكتەۋ جۇمىسى ءجۇرىپ جاتىر. بارلىعى 6 جوبا ۇسىنىلىپ، وبلىستىق، رەسپۋبيكالىق كوميسسيا ەڭ ۇزدىگىن تاڭداپ الدى.

«ەسكەرتكىش ورناتۋ تۋرالى شەشىم وتكەن جىلى قابىلداندى. اقتوبە قالاسىندا ساياسي قۋعىن- سۇرگىن قۇرباندارى جەرلەنگەن «تۇيەتوبەدە» تەك بەلگى تاس بولسا، بيىل قالالىق اكىمدىك جەر بەردى. بۇل جەردە ەسكەرتكىش ورناتىلادى. بايقاۋ قورىتىندىسىندا اقتوبەلىك ءمۇسىنشى احمەت قۇبايدىڭ جوباسى ۇزدىك شىقتى. تۇعىرى 110 س م، ءمۇسىننىڭ بيىكتىگى 240 س م بولدى»، - دەدى اقتوبە وبلىستىق مادەنيەت باسقارماسىنىڭ باسشىسى مارجان قورعانبايەۆا.

اشارشىلىقتى ءوتىپ، ساياسي رەپرەسسياعا تاپ بولعان ادامنىڭ شارشاپ-شالدىققان بەينەسىن تولىق جەتكىزۋ ماقساتىندا ەڭسەسى ءتۇسىپ، اياعىن ارەڭ باسىپ كەلە جاتقان ادام تاڭداپ الىندى. اۆتور احمەت قۇباي شارشاسا دا قۇلاماعان، العا ۇمىلعان بەينەنى قۇپ كوردى.

«ادام ءمۇسىنى قولادان، ال ەكى قاناتى قارا گرانيتتەر بولادى. ورتاسىندا شاڭىراق كوتەرىلەدى. بارلىعى 2-اي ۋاقىتتا دايىندالدى. ءبىز بار ويىمىزدىڭ ىسكە اسقانىنا قۋانىشتىمىز»، - دەدى احمەت قۇباي.

ەسكەرتكىشتىڭ ەكى قاناتىنا ۇتىمدى ءسوز جازۋ كەزىندە تاپسىرىس بەرۋشىلەر تاريحشىلاردىڭ اقىل- كەڭەسىنە جۇگىندى. ورتاق شەشىممەن ءبىر قاناتىنا «ⅩⅩ عاسىردىڭ 20-30 -جىلدارىندا قازاق جەرىندە اشارشىلىق زۇلماتىنان ميلليونداعان ادام قىرىلدى. ساياسي قۋعىن- سۇرگىن جىلدارى 100 مىڭنان استام ادام قۋدالانىپ، لاگەرلەرگە قامالدى، 25 مىڭ قازاق اتىلدى. اقتوبە وبلىسىنان قۋعىندالعان 8 مىڭ ادامنىڭ 2 مىڭنان استامى قۇربان بولدى» ءسوزى جازىلادى. ال ەكىنشى قاناتىنا ەلباسى نۇرسۇلتان نازاربايەۆتىڭ «تاريحىمىزدىڭ قاسىرەتتى بەتتەرى، ساياسي قۋعىن-سۇرگىن جانە اشارشىلىق قۇرباندارى ءارقاشان ءبىزدىڭ جادىمىزدا جانە ونى ۇمىتپاۋ ءبىزدىڭ قاسيەتتى بورىشىمىز» ءسوزى قاشالدى.

«مۇسىنشىلەر اقتوبە قالاسىنداعى ەسكەرتكىشتەردىڭ بىرىنە ۇقساس جوبانى دا ۇسىندى. سونىمەن قاتار، اجەسى يۋسەف بۋيدونى ىزدەگەن مايكل ساگاتيس تە قاتىسىپ، ەۋروپالىق ۇلگىدەگى ەكى جوبا دايىندادى. مۋزىكا ويناپ تۇراتىن، كىتاپ بەينەسىندەگى ەسكەرتكىش زاماناۋي بولعانىمەن ءبىزدىڭ مەنتاليتەتىمىزگە ساي كەلمەدى»، - دەدى مارجان قورعانبايەۆا.

ەسكە سالساق، ۇلى بريتانيالىق 2017 -جىلدىڭ جەلتوقسان ايىندا كەلىپ، اجەسىن ىزدەدى. اجەسى يۋسەف بۋيدو شىعىس پولشادان قازاقستانعا جەر اۋدارىپ، العا اۋدانى، شيبايەۆكا اۋىلىندا تۇرعان.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات