ءومىرزاق شوكەيەۆ: بيداي وتكىزەتىن ءداستۇرلى نارىقتارىمىز ءۇشىن كۇرەسەمىز

استانا. قازاقپارات - قازاقستان بيدايىن وتكىزىپ جۇرگەن ءداستۇرلى نارىقتاردا باسەكە كۇشەيىپ بارادى. بۇگىن ماجىلىستەگى ۇكىمەت ساعاتىندا ق ر پرەمەر- ءمينيسترىنىڭ ورىنباسارى- اۋىل شارۋاشىلىعى ءمينيسترى ءومىرزاق شوكەيەۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

 اتاپ ايتقاندا، ءو. شوكەيەۆ 2017-2021 -جىلدارعا ارنالعان ا ءو ك- ءتى دامىتۋ باعدارلاماسىنا تۇزەتۋلەر ەنگىزۋ تاقىرىبىندا بايانداما جاسادى. بۇل ورايدا بىرنەشە سالالىق باعدارلامالار قامتىلماق.

«وسىمدىك شارۋاشىلىعىنا كەلەتىن بولساق، ەڭبەك ونىمدىلىگىن ارتتىرۋ ءۇشىن ءبىز ەڭ الدىمەن سۇرانىس جاعىن ساراپتاۋىمىز قاجەت. بيداي مەن ۇننىڭ ءوندىرىسى قازىر تولىعىمەن ەكسپورتقا بايلانىستى بولىپ تۇر. ءبىزدىڭ قالىپتاسقان ءداستۇرلى نارىقتارىمىزدا باسەكە كۇشەيىپ بارا جاتىر. ترانزيتتىك ەلدەر تاراپىنان پروتەتسيونيستىك، ياعني ىشكى نارىقتى قورعاۋ ارەكەتتەرىن بايقايمىز. ارينە، ءداستۇرلى نارىقتارىمىز ءۇشىن كۇرەستى جالعاستىرامىز»، - دەدى ۆەدومستۆو باسشىسى.

سونىمەن قاتار جاڭا نارىقتاردى كەڭەيتۋ قاجەتتىگىنە توقتالعان مينيستر، بىلتىر قىتايعا كۆوتامەن 150 مىڭ توننا بيداي جونەلتىلسە، بيىل كۆوتادان تىس 200 مىڭ توننا ەكسپورتتالعانىن اتاپ ءوتتى. مينيسترلىك ماقساتى - الداعى جىلدارى بۇل كولەمدى 1 ميلليون تونناعا جەتكىزۋ.

«يرانعا سوڭعى جىلدارى بيداي مۇلدەم ەكسپورتتالماعان. قازىر ەۋرازيالىق ەكونوميكالىق وداق اياسىندا بۇل ماسەلە قىزۋ تالقىلانىپ جاتىر. مەنىڭ ويىمشا، جاقىن ارادا يرانعا ەكسپورتتالاتىن بولادى»، - دەدى ءومىرزاق شوكەيەۆ.

 بۇدان بۇرىن حابارلانعانداي، ءومىرزاق شوكەيەۆ فەرمەرلەردىڭ تۇقىم الۋعا جۇمساعان شىعىستارى وتەلەتىنىن ءمالىم ەتتى.

 سونىمەن قاتار ول فەرمەلەرگە تەحنيكانى ءتيىمدى جولمەن بەرۋ جولدارىن اتادى.

اۆتور: رۋسلان عابباسوۆ