ساعىزدىڭ ەرەكشە پايداسى انىقتالدى

 استانا. قازاقپارات - ادام ساعىزدى جۇرگەن كەزدە شايناسا، ول ارتىق سالماقتان ارىلۋعا كومەكتەسەدى. مۇنداي قورىتىندىنى توكيوداعى ۆاسەدا ۋنيۆەرسيتەتىنىڭ عالىمدارى جاسادى.

ولاردىڭ زەرتتەۋى Journal of Physical Therapy Science جۋرنالىندا جاريالاندى، دەپ حابارلايدى lenta.ru باسىلىمى.

ماماندار 21-69 جاس ارالىعىنداعى 46 ەر ادام مەن ايەلگە زەرتتەۋ جۇرگىزدى. ەكسپەريمەنتكە قاتىسقان ءبىرىنشى توپقا جۇرگەن كەزدە 15 مينۋت بويى ساعىز شايناتتى. ال ەكىنشى توپقا قۇرامى ساعىزبەن بىردەي ۇنتاق بەرىلدى.

عالىمدار ەكى جاعدايدا دا جۇرەكتىڭ قالپىن، جۇرگەن قاشىقتىعى مەن جۇمسالعان ەنەرگياسىن ەسەپتەدى. سوڭىندا باقىلاۋ توبىنداعىلارعا قاراعاندا ءبىرىنشى توپتاعىلاردىڭ جۇرەك سوعۋ جيىلىگى ەكى ەسە جوعارى بولعان.

«ءبىزدىڭ زەرتتەۋلەرىمىز جۇرگەن كەزدە ساعىز شايناسا، ادامداردىڭ، اسىرەسە ەگدە جاستاعى ەر ادامداردىڭ ءجۇرۋ قاشىقتىعىن ۇلعايتىپ، كوپ ەنەرگيا جۇمساۋىنا اكەپ سوعاتىنىن دالەلدەدى» ، - دەپ قورىتىندىلادى زەرتتەۋشىلەر.

مەتودولوگيالىق شەكتەۋلەرگە بايلانىستى عالىمدار ساعىزدىڭ قانشا رەت شاينالعانىن انىقتاي المادى. ولاردىڭ پىكىرىنشە، الداعى زەرتتەۋلەردە بۇدان دا ناقتىراق كورسەتكىش شىعارۋ ءۇشىن اتالعان فاكتور ەسكەرىلەدى.

Baq.kz