استانادا قاتتى جەل تۇرىپ، بۇرشاق جاۋۋى مۇمكىن

استانا. قازاقپارات - استانا قالاسىندا 28 - مامىر تۇندە 2 گرادۋسقا دەيىن ۇسىك بولۋى مۇمكىن. كۇندىز سولتۇستىك- باتىستان سوققان جەلدىڭ باعىتى وڭتۇستىك- باتىسقا اۋىسىپ، ونىڭ ەكپىنى 15-20 م/س بولادى.

كەي ۋاقىتتاردا نايزاعاي ءتۇسىپ، داۋىل بولادى جانە بۇرشاق جاۋادى، دەپ حابارلايدى استانا قالاسىنىڭ رەسمي سايتى.

بۇگىن اقمولا وبلىسىندا سولتۇستىك- باتىستان سوققان جەلدىڭ باعىتى وڭتۇستىك- باتىسقا اۋىسىپ، ەكپىنى كۇشەيەدى. ونىڭ جىلدامدىعى 15-20 م/س، ەكپىنى 25 م/س- كە دەيىن ۇدەيدى. تۇندە كەي جەرلەردە 3 گرادۋسقا دەيىن ۇسىك ءجۇرۋى ىقتيمال. كۇندىز نايزاعاي ويناپ، داۋىل بولادى جانە بۇرشاق جاۋۋى مۇمكىن.