وزگە ۇلت دەپۋتاتتارى قازاق ءتىلىن ۇيرەنۋگە دەن قويدى

None
None
استانا. قازاقپارات - ق ر پارلامەنت سەناتىنىڭ دەپۋتاتى ءبىرعانىم ءايتىموۆا وزگە ۇلت دەپۋتاتتارىنىڭ مەملەكەتتىك ءتىلدى مەڭگەرۋگە دەن قويعانىن جەتكىزدى، دەپ حابارلايدى قازاقپارات ءتىلشىسى.

مادەني- الەۋمەتتىك دامۋ جانە عىلىم كوميتەتىنىڭ بۇگىنگى وتىرىسىندا ۇكىمەتتىك ەمەس ۇيىمدارعا قاتىستى زاڭ جوباسى قارالدى. وتىرىسقا قاتىسقانداردىڭ بارلىق دەرلىك ويلارىن مەملەكەتتىك تىلدە جەتكىزىپ، ءوزارا پىكىر الماسىپ وتىردى. ق ر ءدىن ىستەرى جانە ازاماتتىق قوعام ۆيتسە- ءمينيسترى ابزال نۇكەنوۆ تە ءوز بايانداماسىن تولىعىمەن قازاق تىلىندە جاسادى. ال ءماجىلىستىڭ سوڭىندا كوميتەت ءتورايىمى ءبىرعانىم ءايتىموۆا قوسىمشا بايانداماشى سەرگەي ەرشوۆقا قاراپ: «قوسىمشا بايانداماشىدان ءبىر عانا ۇسىنىس ءتۇستى. وسى زاڭ جوباسىن پارلامەنت سەناتىنىڭ وتىرىسىنا شىعارۋ قاجەت. ونى بىرنەشە وقىلىمدا تالقىلايتىن بولامىز. اتالعان قۇجاتتى قابىلدايمىز دەگەن ويدامىن. كوميتەت مۇشەلەرى تاراپىنان قارسىلىق بولماسا، سەرگەي ميحايلوۆيچ ەرشوۆ ءبىزدىڭ اتىمىزدان قوسىمشا بايانداماشى رەتىندە ۇسىنىلادى. وزىنەن دە وسىنى سۇرايمىز. كەلىسەسىز عوي؟»، - دەپ سۇرادى.

وسى كەزدە سەناتور ەرشوۆ سينحروندى اۋدارماسىن الىپ تاستاپ: «دا»، - دەپ جاۋاپ بەردى. «كەلىسەمىن دەسەڭشى، قازاقشا»، - دەدى ب. ءايتىموۆا.

ارىپتەسى «كەلىسەمىن!» دەگەننەن كەيىن ءبىرعانىم ءايتىموۆا كەيبىر دەپۋتاتتاردىڭ قازاق ءتىلىن مەڭگەرۋگە دەن قويعانىن جەتكىزدى.

«نەگىزى، سەرگەي ميحايلوۆيچ قازاق ءتىلىن وقىپ ءجۇر. مەنىمەن قازاقشا سويلەسىڭدەر دەپ، ءوزى ايتادى. سول سەبەپتى قازاقشا جاۋاپ بەرسىن دەپ سۇراپ جاتىرمىن»، - دەپ اتاپ كورسەتتى ب. ءايتىموۆا.

سوڭعى جاڭالىقتار