نۇرلان نىعماتۋلين قىتاي پارلامەنتىنىڭ ۆيتسە-سپيكەرىمەن كەزدەستى

None
None
استانا. قازاقپارات - بۇگىن ءماجىلىس ءتوراعاسى نۇرلان نىعماتۋلين تۇراقتى كوميتەت ءتوراعاسىنىڭ ورىنباسارى ايليگەنگ يمينگباحاي(Arken Imirbahy) باستاعان ق ح ر بۇكىل قىتاي حالىق وكىلدەرى جينالىسىنىڭ دەلەگاتسياسىمەن كەزدەسۋ وتكىزدى، دەپ حابارلايدى پارلامەنت تومەنگى پالاتاسىنىڭ باسپا ءسوز قىزمەتى.

تاراپتار قازاقستان- قىتاي، سونىڭ ىشىندە پارلامەنتاريلەر اراسىنداعى ىنتىماقتاستىقتىڭ وزەكتى ماسەلەلەرىن تالقىلادى.

نۇرلان نىعماتۋلين اتاپ وتكەندەي، بۇگىن قازاقستان مەن قىتاي كوشباسشىلارى نۇرسۇلتان نازاربايەۆ پەن شي جينپيڭنىڭ ارقاسىندا ەكى ەلدىڭ اراسىنداعى قارىم- قاتىناس ستراتەگيالىق سەرىكتەستىك دەڭگەيىندە. ءماجىلىس سپيكەرىنىڭ ايتۋىنشا، قازاقستان پرەزيدەنتىنىڭ قىتايعا جاسايتىن الداعى مەملەكەتتىك ساپارى سەرىكتەستىكتىڭ دامۋىنا جاڭا سەرپىن بەرمەك.

ءوز كەزەگىندە ايليگەنگ يمينگباحاي قىتايدا نۇرسۇلتان نازاربايەۆتى ۇلكەن قىزىعۋشىلىقپەن كۇتىپ وتىرعاندىعىن جانە الداعى ساپارعا باسا نازار اۋدارىلعاندىعىن حابارلادى.

تاراپتار پارلامەنتارالىق قاتىناستاردى ەكى مەملەكەتتىڭ ستراتەگيالىق ارىپتەستىگىنىڭ ماڭىزدى قۇرامداس بولىگى رەتىندە كۇشەيتۋگە كەلىستى.

سوڭعى جاڭالىقتار