ۇلانباتىردا تۇركى-موڭعول ەپوستارى سالىستىرىلادى

None
None
ۇلانباتىر. قازاقپارات - «جانعار زەرتتەۋى» عىلىم جانە عىلىمي- وندىرىستىك بىرلەستىگى اكادەمياسى موڭعول ادەبيەتى جانە ءتىلى ينستيتۋتىمەن بىرلەسىپ، 21-23 -قىركۇيەكتە «الەم حالىقتارىنىڭ ەپوسى جانە جانعار» حالىقارالىق سيمپوزيۋمىن ۇيىمداستىرادى، دەپ حابارلايدى «مونسامە» اقپارات اگەنتتىگى.

الەمنىڭ بارلىق جىرشى-تەرمەشىلەرى حالىقتاردىڭ ەپوستىق شىعارماشىلىعىنداعى وزەكتى ماسەلەلەردى شەشۋ جولدارى مەن پەرسپەكتيۆالارىن انىقتاۋ، جاس زەرتتەۋشىلەردى دامىتۋ جانە ەپوستاردى سالىستىرمالى زەرتتەۋدى كەڭەيتۋ، سونداي-اق «جانعار» ەپوسىن تەرەڭىنەن زەرتتەۋ ماقساتىندا ۇلانباتىردا جينالماق.

سيمپوزيۋم بارىسىندا قازىرگى زامان ەپوستارى، ەپوستىڭ ساقتالۋى، جىر ورىنداۋدىڭ قازىرگى كۇيى، ەپوستىق شىعارماشىلىق، موڭعوليا ەپوسى جانە ولاردىڭ ءوزارا قارىم-قاتىناسى، كوشپەندىلىك وركەنيەتى، ەتنوس جانە ەپوس، موڭعول جانە تۇركى ەپوسىنىڭ سالىستىرمالى زەرتتەۋى، ەپوستاردى اۋدارۋ جانە تاراتۋ تاقىرىپتارى بويىنشا تالقىلاۋلار وتەدى.

سيمپوزيۋم اياسىندا «ەپوستار كوزى» جىرشىلار فەستيۆالى مەن ۇزاقمەرزىمدى حالىقارالىق جوباسىن جۇزەگە اسىرۋدى تالقىلاۋ بويىنشا «جانعار ەپوسى مەن يننوۆاتسيا» تاقىرىبىندا سەكسيالىق وتىرىس وتەدى.

 

سوڭعى جاڭالىقتار