مەڭ مەن مىنەز ەگىز بە؟ مەڭىڭىز ءسىز تۋرالى نە ايتادى؟
ارينە، تاعدىرىن، مىنەزىن، دەنساۋلىعىن. مەڭ، اسىرەسە، جازدى كۇنى كۇندىز تۋعان ادامداردا كوبىرەك كەزدەسەدى ەكەن. تۇندە تۋعان بالالارعا قاراعاندا كۇندىز تۋعان بالا ادەمى بولادى، ويتكەنى ءتۇن قاراڭعىسى قارا كۇشتەر مەن جامان ەنەرگيانى كوبىرەك تارتادى دا، ولارعا سيقىرشى، كورەگەن، بولجاعىشتىق قاسيەت كوپ قونادى.
مۇنداي ادامداردىڭ دەنەسىندە ول مىندەتتى تۇردە ءبىر تاڭباسىن قالدىرادى. ۇندىلەردىڭ ەجەلگى ءدىني تۇسىنىگىندەگى «كارما» وسى تاڭبالاردان ايقىن بىلىنەدى دەگەن پىكىر قالىپتاسقان. سوندىقتان كۇندىز تۋسا دا، تۇندە تۋعان بالا بولسا دا، دەنەسىنىڭ ايتەۋىر ءبىر بۇرىشىندا بارماقتاي بولماسا دا، تارىداي ءبىر تاڭبا-بەلگى ءسوزسىز بولادى ەكەن. مەڭ - ادامنىڭ ءبىر بولشەگى.
الاقانعا قاراپ تاعدىر بولجايتىن حيرومانتتار سەكىلدى مەڭنىڭ ورنالاسۋىنا قاراپ قۇپيا- جۇمباقتىڭ سىرىن اشامىن دەۋ بەكەرشىلىك كورىنەدى. ءبىراق مەڭ ارقىلى ءوزىڭ تۋرالى تۇسىنىك الىپ، مىنەز تانۋعا نەمەسە مىنەزدى وزگەرتۋگە بولاتىنىن كورىپكەلدەر ءبىر اۋىزدان قوشتايدى. سونىمەن، دەنەدەگى تاڭباعا قاراپ ءبىرقاتار تۇسىنىك الۋعا تىرىسىپ كورەلىك.
باستاعى مەڭ - تەكتى تۇقىمنان بولسا بىرەۋگە قوجالىق جاساماق، قارادان شىقسا، بىرەۋگە قىزمەت ەتپەك.
ماڭدايداعى مەڭ - ۇلكەن اقىل مەن پاراساتتىڭ بەلگىسى. مۇنداي ادامداردان كوبىنە مەملەكەت قايراتكەرى، ساياساتكەر، ەلشى شىقپاق. ۇلكەن ءىس جاساۋعا بەيىم.
ەكى قاستىڭ ورتاسىنداعى مەڭ - ءساتتى ۇيلەنبەك.
كوزدىڭ استى مەن بەتتىڭ ۇشىنداعى مەڭ - ايەلدىڭ نازىكتىگى مەن مەيىرىمدىلىگىن بىلدىرمەك. مۇنداي مەڭدى ايەل ەر ادامدار ءۇشىن وتە سۇيكىمدى. ەر ادامداردىڭ ماحابباتى مەن ىقىلاسىنا تەز بولىنەدى. مىسالى، مەريلين مونرو. ەگەر مەڭ ەر ادامنىڭ وڭ جاعىندا بولسا، مىنەزىنىڭ بىربەتكەيلىگىن، ەتى تىرىلىگىن بىلدىرمەك. سول جاعىندا بولسا، ۇلكەن تالانت. جادىسى، ەسكە ۇستاۋ قابىلەتى مىقتى، ادامدارمەن تەز ءتىل تابىسا الادى.
بەتتىڭ شىعىڭقى ۇشىنداعى مەڭ - تەز شەشىم قابىلداي الاتىن ادامدا بولادى. ولار ءومىر بويى ۇلى ماقسات جولىندا عانا ءومىر سۇرەدى. اسىرەسە، مەڭ وڭ جاق بەتتە بولسا.
مۇرىنداعى مەڭ - كوپشىل ادامداردا بولادى. ءازىلقوي، مىنەزى جەڭىل ادامدارعا بىتەدى. اينالاسى ونى سالماقتى ادام رەتىندە قابىلدامايدى. وقۋدا بولسىن، جۇمىستا بولسىن، تەك بەتكى جاعىنا عانا ءمان بەرىپ، استارىنا ۇڭىلە بەرمەيدى. ءبىراق ءبارىبىر جانى قاناعات تاپپايدى.
قۇلاقتاعى مەڭ - ماقتانشاق ادامداردا بولادى. بويىنداعى كەمشىلىگىن ۇمىتىپ، بولار- بولماس قاسيەتىن كەرەمەت ەتىپ كورسەتۋگە تىرىساتىنداردا مەڭ قۇلاققا بىتەدى. وزىنە ءوزى سەنىمدى بولماعاندىقتان، ماقتانۋ ارقىلى قورعانباق. سوزىندە تۇرمايدى، الداۋعا بەيىم. ءبىراق ءومىردى وزىنشە تانيتىن بىرەگەي كوزقاراس يەسى. ماقتانشاق بولسا دا، سونشالىقتى ءالسىز دە ەمەس.
تىلدەگى مەڭ - تاڭىرقاماڭىز، تىلدە دە مەڭ بولادى. كوبىنە ايەلدەردە بولادى. ول - سىرقاتتىڭ بەلگىسى. ءبىراق ءدام- تۇزى تاۋسىلعانشا، ۇزاق ءومىر سۇرەدى. وتە سەزىمتال، ءار نارسەگە كۇمانمەن، سەنىمسىزدىكپەن قارايتىن ادامداردا بولادى. كوپ سويلەيدى دە، تىڭداعاندى ونشا ۇناتپايدى.
مويىنداعى مەڭ - ەر ادامداردا بولسا، ونىڭ كۇيگەلەكتىگىن، السىزدىگىن، ەرىك-جىگەرىنىڭ ازدىعىن بىلدىرەدى. كوڭىل كۇيى قۇبىلمالى، بالا كەزىندە جىلاۋىق بولعان. مۇنداي ادامدارعا اۋا رايىنىڭ وزگەرىسى قاتتى اسەر ەتەدى. موينىندا مەڭى بار ەر ادام ينتەللەكتۋالدىق، رۋحاني جاعىنان وتە دامىعان، ءبىلىمدى، ءبىراق سول قاسيەتىن ىسكە اسىرا المايتىن السىزدەۋ بولادى. ءوز ءىسىنىڭ كاسىبي شەبەرى بولا تۇرا، كۇرەسكەر ەمەس. ال مۇنداي مەڭ ايەلدە بولسا، ول - وزگەرمەلى، تالعامىنان دا، كوزقاراسىنان دا تەز ايني قالادى. ءبىراق وتە مەيىربان، نازىك، ءتىپتى كەيدە ءوزىن ءبىر- اق نارسەگە عانا ارنايدى. ول وتباسىنىڭ جىلىلىعىن جاقسى كورەدى. وزگەنىڭ كەڭەسىنە كوپ قۇلاق اسا بەرمەيدى، تەك وزىنىكىن ءجون سانايدى.
يەك ۇستىندەگى مەڭ - «كوشپەلى قازاق ۇرپاعى»، ءجيى قونىس اۋداراتىن بولماق.
يەك استىنداعى مەڭ - ەر ادامدا بولسا، بيلىك جۇرگىزۋگە، ءامىر ەتۋگە بەيىم. وزىنە نە كەرەك ەكەنىن وتە جاقسى بىلەدى. مىنەزى ىزبارلى، مىسى باسىم. ماقساتقا ۇمتىلعىش، ءوزىن-ءوزى جەتىلدىرۋ جولىندا تىنباي جۇمىس جاسايدى. ايەلدىڭ وڭ جاق يەك استىندا ورنالاسسا، كەرىسىنشە، جانى جايساڭ، ءوز كۇشىنە سەنىمدى، تەك العا ۇمتىلادى. دانا، وزگەنى تىڭداۋعا شىدامدى، ءبىر باسىنا جەتەتىن ءادىس- ايلا، اقىلى بار.
يەكتىڭ تۋرا ورتاسىنداعى مەڭ - بىربەتكەيلىك. نەعۇرلىم ۇلكەن مەڭ بولسا، سوعۇرلىم العان بەتىنەن قايتپايتىن ادام. ديكتاتورلىق ءتان.
يىق ۇستىندەگى مەڭ - وتە كوپ اقپارات ارقالاپ جۇرگەن ادام. بۇل دۇنيەنىڭ بارلىق جۇگىن جالعىز ءوزى يىعىمەن ارقالاپ جۇرگەندەي شارشاۋلى جۇرەدى. ۇنەمى قيىندىققا تاپ بولادى. مۇنداي مەڭى بار ادام - جارقىن تۇلعا، ءبىراق ول وعان وڭايلىقپەن كەلمەيدى. ولار «بارا سالىپ، الا سالاتىن» ادامدارعا ىلعي دا قىزعانىشپەن قارايدى. سوندىقتان دا قاتار ءجۇرىپ، كوز الدىندا ءوسىپ كەلە جاتقان ادامنىڭ قابىلەتى مەن قارىمىن مويىنداي بەرمەيدى. ولاردىڭ ىسىنەن ايتەۋىر ءبىر ءمىن تاۋىپ وتىرادى. ءبىراق ولار وتە ادال. كوپ ءسوزدى ەمەس، شىدامدى، باسقالار يتەرە سالعان كەز كەلگەن ءىسى اتقارىپ جۇرە بەرەدى.
كەۋدەدەگى مەڭ - ايەلدەردە بولسا، ماحاببات پەن تابىندىرۋ، قۇشتارلىق بيلەمەك. ەرتەرەكتە مۇنداي مەڭ وتە قاتەرلى سانالعان. باقىتسىز ماحابباتتىڭ قۇربانى دەپ تانىعان. ەگەر مەڭ سول جاق كەۋدەدە بولسا، ادام ايەل، ۇلگىلى انا بولماق. سەزىمى تۇراقتى، ۇمتىلىسى دۇرىس.
ومىراۋ استىنداعى مەڭ - ايەلدىڭ نەگە بولسا دا دايار ايار ەكەنىن بىلدىرمەك. ماحاببات ءۇشىن قولىنان كەلگەنىنىڭ ءبارىن ىستەپ باعادى. بالگەر- باقسىعا بارىپ دۋا جاساتادى، كۇندەسىنىڭ ۇيىنە كۇندە ءبىر جاۋلىق جاسايدى. ال مەڭ وڭ جاعىندا بولسا، ايەلدىڭ ىسكەرلىگىن بىلدىرمەك. ءبىراق ونىمەن بىرگە جۇمىس ىستەيتىن ادامدارعا وڭاي سوقپايدى. ال ەر ادامدا بولسا، رۋحى تومەن، وعان سەنۋدىڭ قاجەتى جوق. ال سول جاعىندا بولسا، قيالعا بەرىلگىش. ساياحاتشىلىققا بەيىم تۇرادى.
ارقاداعى مەڭ - يىققا جاقىن ورنالاسسا، وزىنە دە، وزگەگە دە تالابى وتە كۇشتى. ەگەر ارقانىڭ جوعارى جاعىندا جىپىرلاعان كوپ مەڭ بولسا، ول ادامنىڭ رۋحاني جاعىنان دا، دەنساۋلىعىنىڭ دا ءالسىز ەكەنىن بىلدىرمەك. ول كوپ جاعدايدا ادامنىڭ وكپەسى اۋىراتىنىن بايقاتادى. بۇل - ەر ادامدارعا قاتىستى. ال ايەلدەردە قولقا قابىنۋىن جانە باسقا ادامدار تاراپىنان ساتقىندىق بولعانىن مەڭزەيدى. سوندىقتان ايەل ارقاسىنا مەڭ تۇسىرمەۋگە تىرىسقانى ءجون، ەگەر ارقادا بەلگى پايدا بولسا، ونىڭ جۇيكە اۋرۋىنا شالدىعۋى مۇمكىن.
ادام ءوزىنىڭ كوركەم مىنەزى ارقىلى باسقا ادامدارمەن قارىم- قاتىناسىن دۇرىس قالىپتاستىرا الادى. ال بۇل ادامنىڭ كارماسىن جەڭىلدەتىپ، تاعدىرىنىڭ تۇزەلۋىنە وڭ اسەرىن تيگىزبەك.
دەرەككوزى: "پ ت" توپتاماسىنان