قازاقستاندىق بوكسشىلار الەمدىك رەيتينگتە ايتارلىقتاي جوعارىلادى

استانا. قازاقپارات - قازاقستاندىق بوكسشى سادريددين احمەدوۆ (2-0، 2 ك و) بەدەلدى BoxRec.com سايتىنداعى ورنىن ايتارلىقتاي ىلگەرى جىلجىتتى، دەپ حابارلايدى Sports.kz.

ول ءبىرىنشى راۋندتا-اق ارگەنتينالىق اريەل الەحاندرو سامپەدريدى (9-4، 7 ك و) نوكاۋتقا جىبەرىپ، BoxRec رەيتينگىندە ءبىرىنشى ورتا سالماق بويىنشا بىردەن 434 ساتىعا جوعارىلادى. سوڭعى كەزدەسۋىنىڭ الدىندا قازاقستاندىق 929- ورىندا تۇرعان بولاتىن. قازىر ول 495- ورىندا.

سونىمەن قاتار بوكستاعى رەيتينگىن قازاقستاندىق جارتىلاي اۋىر سلماقتاعى نۇرزات سابىروۆ (5-0، 5 ك و) تا كوتەردى. ول مەكسيكالىق رولاندو پارەدەستى جەڭىپ (13-7-2، 10 ك و)، تورەشىلەردىڭ ءبىراۋىزدان داۋىس بەرۋىمەن 194- ورىننان، 143- ورىنعا كوتەرىلدى.

سونداي-اق تاعى ءبىر قازاقستاندىق بوكسشى باتىر جۇكەمبايەۆ (13-0، 11 ك و)، 7- راۋندتا ارگەنتينالىق حوناتان حوسە ەنيستى (20-10-1، 7 ك و) تەحنيكالىق نوكاۋتپەن جەڭىپ، BoxRec رەيتينگىندە جارتىلاي ورتا سالماقتا 48- ورىننان 33- ورىنعا جوعارىلادى.