گولوۆكيننىڭ پروموۋتەرى «كانەلومەن» اراداعى قارجىلىق داۋدىڭ ءمان-جايىن اشىپ بەردى

استانا. قازاقپارات - گەننادي گولوۆكيننىڭ (38-0-1، 34 ك و) پروموۋتەرى توم لەففلەر ەكىنشى كەزدەسۋ الدىندا ساۋل الۆارەستىڭ كومانداسى قانداي قارجىلىق شارتتاردى العا تارتىپ وتىرعاندارىن ايتتى، دەپ حابارلايدى Sports.kz.

«گەننادي ايتارىن ايتتى: «مەن تەك تابىستىڭ ادىلەتتى بولىنگەنىن قالايمىن. ياعني، 50-دە 50. مەن - چەمپيونمىن» دەدى. ءبىز العاشقى ايقاس الدىندا ءبىرشاما كەرى شەگىنگەن بولاتىنبىز. ياعني، پايىزىمىز از ەدى. گولوۆكين ءوزىنىڭ شەبەر ەكەنىن مويىنداتقان سوڭ دا، ءبىز ەكىنشى ايقاس الدىندا ءبىرشاما ارتىقشىلىقتاردى بەرگەن بولاتىنبىز. ءبىراق، «كانەلو» قانداي دا ءبىر سەبەپپەن اۋقىمدى باسىمدىققا يە بولۋى كەرەكتىگىنەن تاياتىن ەمەس... دەمەك، تابىستىڭ 65-تە 35 پايىزدا بولىنگەنىن قالايدى. گەننادي بولسا بۇنى ادىلەتسىزدىك دەپ وتىر. چەمپيون رەتىندە 35 پايىزدى قابىلداۋ - بۇل ءادىل ەمەس»، - دەيدى لەففلەر.

ەگەر تاراپتار ءبىر مامىلەگە كەلەتىن بولسا، گولوۆكيننىڭ «كانەلومەن» ەكىنشى ايقاسى 15 -قىركۇيەكتە - مەكسيكانىڭ تاۋەلسىزدىك كۇنىندە ءوتۋى مۇمكىن.