قازاقستاننىڭ ءبىرقاتار وڭىرلەرىندە ۇسىك جۇرەدى - سينوپتيكتەر

كوكشەتاۋ. قازاقپارات - «قازگيدرومەت» ر م ك استانا قالاسى مەن اقمولا وبلىسىندا اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات ءتىلشىسى.

«مامىردىڭ 28 ى كۇنى اقمولا وبلىسى اۋماعىندا سولتۇستىك- باتىستان سوققان جەل وڭتۇستىك- باتىسقا اۋىسادى، تۇندە كەي جەرلەرىندە جەلدىڭ جىلدامدىعى 15-20 م/س، كۇندىز باسىم بولىگىندە 15-20، كەي جەرلەرىندە ەكپىنى 25 م/س جەتەدى دەپ بولجانىپ وتىر. تۇندە وبلىستىڭ كەيبىر وڭىرلەرىندە اۋا تەمپەراتۋراسى مينۋس 3 گرادۋسقا دەيىن تومەندەسە، كۇندىز نايزاعاي ويناپ، داۋىل، بۇرشاق بولۋى مۇمكىن.

سونىمەن قاتار، استانا قالاسىندا دا تۇندە اۋا تەمپەراتۋراسى مينۋس 2 گرادۋسقا دەيىن تومەندەيدى.

اۆتور: اسلان وسپانوۆ