دۇيسەنبىدە قازاقستاننىڭ باسىم بولىگىندە جەل كۇشەيىپ، جاۋىن بولادى

استانا. قازاقپارات - دۇيسەنبى، 28 -مامىردا قازاقستاننىڭ باسىم بوىلىگىندە اتوموسفەرالىق فرونتالدى بولىكتەردىڭ وتۋىنە بايلانىستى ەلدىڭ ورتالىعى مەن سولتۇستىگىندە قار جاۋۋى ىقتيمال، ەلدىڭ وزگە ايماقتارىندا جاۋىن-شاشىن بولىپ، كۇن كۇركىرەپ، جەل كۇشەيەدى.

تەك ەلدىڭ وڭتۇستىگى مەن وڭتۇستىك باتىسىندا عانا كۇن اشىق بولادى. كەي جەرلەردە بۇرشاق جاۋىپ، شاڭدى داۋىل كوتەرىلىپ، تۇمان ءتۇسۋى ىقتيمال.

«قازگيدرومەت» ر م ك- نىڭ مالىمەتتەرىنە قاراعاندا، شىعىس قازاقستان وبلىسىندا نايزاعاي ويناپ، سەكۋندىنا 15-20 مەتر جىلدامدىقپەن جەل سوعادى، ەكپىنى 25 مەترگە جەتىپ، شاڭدى داۋىلعا ۇلاسادى.

اقمولا وبلىسىندا جەل تۇرادى، تۇندە كەي جەرلەردە 15-20 م/س جەل سوعادى، كۇندىز جەلدىڭ جىلدامدىعى رەسپۋبليكانىڭ باسىم بولىگىندە 15-20 مەترگە جەتەدى، ەكپىنى 25 مەتر بولادى. كەي جەرلەردە بۇرشاق جاۋۋى ىقتيمال، تۇندە جانە تاڭ اتا تۇمان تۇسەدى.

الماتى وبلىسىنىڭ ءبىرقاتار ايماعىندا جەلدىڭ جىلدامدىعى سەكۋندىنا 15-20 مەترگە جەتىپ، كۇندىز ەكپىنى 23-28 مەتر بولادى. تاڭ اتا جانە كۇندىز بۇرشاق جاۋۋى ىقتيمال.

جامبىل وبلىسىنىڭ ءبىرقاتار ايماقتارىندا سەكۋندىنا 15-20 مەتر جىلدامدىقپەن جەل سوعادى، ەكپىنى 23-28 مەتر بولادى. بۇرشاق جاۋى ىقتيمال.

قوستاناي وبلىسىندا تاڭ اتا جانە كۇندىز جەل تۇرىپ، بۇرشاق جاۋۋى ىقتيمال. تۇندە كەي جەرلەردە سەكۋندىنا 15-20 مەتر جىلدامدىقپەن جەل سوعادى، كۇندىز ەكپىنى 17-22 مەتر بولادى. تۇندە تۇمان ءتۇسۋى مۇمكىن.

سولتۇستىك قازاقستان وبلىسىندا جەل تۇرىپ، تۇمان ءتۇسىپ، بۇرشاق جاۋۋى دا مۇمكىن. تۇندە كەي جەرلەردە جەلدىڭ جىلدامدىعى سەكۋندىنا 15-20 مەترگە، كۇندىز دە 15-20 مەترگە، ەكپىنى 23-28 مەترگە جەتەدى.

قاراعاندى وبلىسىنىڭ كەي ايماقتارىندا تۇمان ءتۇسىپ، بۇرشاق جاۋىپ، جەلدىڭ جىلدامدىعى سەكۋندىنا 15-20 مەترگە جەتەدى، ەكپىنى 23-28 مەتر بولادى.

پاۆلودار وبلىسىنىڭ ءبىرقاتار ايماقتارىندا سەكۋندىنا 15-20 مەتر جىلدامدىقپەن جەل سوعىپ، كۇندىز كۇن كۇركىرەيدى.

قىزىلوردا، كۇندىز اتىراۋ، ماڭعىستاۋ وبلىستارىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى. قىزىلوردا مەن اتىراۋ وبلىسىندا شاڭدى داۋىل كوتەرىلەدى.

وڭتۇستىك قازاقستان، كۇندىز باتىس قازاقستان، اقتوبە وبلىستارىنىڭ كەي جەرلەرىندە سەكۋندىنا 15-20 مەتر جىلدامدىقپەن جەل سوعىپ، باتىس قازاقستان وبلىسىندا بۇرشاق جاۋۋى ىقتيمال.

ماڭعىستاۋ وبلىسىندا جانە اتىراۋ وبلىسىنىڭ باسىم بولىگىندە، باتىس قازاقستان وبلىسىنىڭ كەي جەرلەرىندە، اقتوبە، قىزىلوردا، وڭتۇستىك قازاقستان، جامبىل، الماتى، قاراعاندى وبلىستارىندا ءورت قاۋپى تۋىندايدى.