قىزىلوردادا ايگىلى شاحماردان ەسەنوۆ، قالتاي مۇحامەدجانوۆ وقىعان مەكتەپكە ءبىر عاسىر تولدى

قىزىلوردا. قازاقپارات - قىزىلوردا قالاسىنداعى ق. مۇحامەدجانوۆ اتىنداعى №1 -ورتا مەكتەپ- گيمنازياسىنا ءبىر عاسىر تولدى، دەپ حابارلايدى قازاقپارات ءتىلشىسى.

ءبىلىم ورداسى 1918 -جىلى مۇسىلمان مەكتەبى رەتىندە اشىلعان. سودان بەرى قانشاما شاكىرت تۇلەپ ۇشتى. ولاردىڭ قاتارىندا ەسىمى ەلگە بەلگىلى تۇعىرلى تۇلعالار بار. اتاپ ايتقاندا، ولاردىڭ قاتارىندا ەلىمىزدەگى ءبىلىم مەن عىلىم، ونەر مەن مادەنيەت، قوعامدىق-ساياسي ءومىرىنىڭ دامۋىنا ەلەۋلى ەڭبەك سىڭىرگەن مەملەكەت قايراتكەرى، بەلگىلى اكادەميك شاحماردان ەسەنوۆ، ءسوز زەرگەرى، جازۋشى- دراماتۋرگ قالتاي مۇحامەدجانوۆ، ۇلاعاتتى ۇستاز سەيىتقاسىم ءجۇنىسوۆ، مەديتسينا سالاسىنىڭ مايتالمانى تۇرعانباي ماحانوۆ، قوعام قايراتكەرى ابدىجالەل باكىر بار.

ق ر ۇكىمەتىنىڭ 2003 -جىلعى 30 مامىرداعى №497-قاۋلىسىنا سايكەس ءبىلىم ورداسىنا بەلگىلى قالامگەر، وسى مەكتەپتىڭ تۇلەگى قالتاي مۇحامەدجانوۆتىڭ اتى بەرىلدى جانە گيمنازيا دارەجەسىنە يە بولعان.

 

اۆتورى: ءادىلجان ۇمبەت