11:18, 27 - مامىر 2018 | GMT +6
وڭتۇستىك جانە سولتۇستىك كورەيا كوشباسشىلارى ەكىنشى رەت كەزدەستى
سەۋل. قازاقپارات - وڭتۇستىك جانە سولتۇستىك كورەيا كوشباسشىلارى مۋن چجە ين مەن كيم چەن ىن سەنبى كۇنى جوعارى دەڭگەيدەگى ەكىنشى كەزدەسۋ وتكىزدى.
بۇل تۋرالى وڭتۇستىك كورەيا پرەزيدەنتىنىڭ باسپا ءسوز قىزمەتى حابارلادى، دەپ جازادى رەنحاپ.
سولتۇستىك كورەيالىق كوشباسشى كيم چەن ىن مەن وڭتۇستىك كورەيا پرەزيدەنتى مۋن چجە يننىڭ ەكىنشى كەزدەسۋى دەميليتاريزاتسيالانعان ايماقتا، پحانمۋندجوم شەكارا پۋنكتىندە سەنبى كۇنى جەرگىلىكتى ۋاقىت بويىنشا ساعات 3 پەن 5 ارالىعىندا بولدى.
«كوشباسشىلاردىڭ ەكەۋى دە 27 - ساۋىردە قابىلدانعان پحانمۋندجوم دەكلاراتسياسىن جۇزەگە اسىرۋ مەن الداعى بولاتىن سولتۇستىك كورەيا جانە ا ق ش پرەزيدەنتىنىڭ كەزدەسۋى بويىنشا، پىكىر الماستى. سەنبى كۇنى بولعان كەزدەسۋدىڭ ناتيجەلەرىن وڭتۇستىك كورەيا پرەزيدەنتى جەكسەنبى، 28 - مامىر كۇنى جاريالايتىن بولادى.