اقمولا وبلىسىنا قالىڭ قار ءتۇستى

كوكشەتاۋ. قازاقپارات - اقمولا وبلىسىنىڭ شۋچە قالاسىندا قالىڭ قار ءتۇستى، دەپ حابارلايدى قازاقپارات ءتىلشىسى.  

 

 وڭىردەگى قالىڭ قاردىڭ ۆيدەوسى مەن سۋرەتتەرىن الەۋمەتتىك جەلىدە قولدانۋشىلار ءبولىسىپ جاتىر.

قالادا تۇندە جاۋعان قار تاڭەرتەڭ جەردى اق ۇلپاعا كومكەرىپ تاستاعان. «قارمەن بىرگە كۇن رايى دا سالقىنداپ، تاڭەرتەڭ قاردىڭ بەتى قاتسا، قازىر ەرىپ جاتىر. 2009 -جىلدىڭ 25 - مامىرىندا دا ءدال وسىلاي قار جاۋىپ، كەيىن كۇن بىردەن ىسىعان ەدى»، - دەپ جازادى جەلى قولدانۋشىسى.

سونداي- اق، اتباسار جانە زەرەندى اۋدانىنىڭ كەي اۋماقتارىندا دا قار جاۋعان. ەسكە سالا كەتەيىك، كەشە ايماقتىق ت ج د «قازگيدرومەتكە» سىلتەمە جاساپ، اقمولا وبلىسىندا مامىردىڭ 27- كۇنى كەي وڭىرلەردى قار جاۋۋى ىقتيمالدىعىن حابارلاعان بولاتىن.