سولتۇستىك كورەيا يادرولىق قارۋدان باس تارتاتىندىعىن تاعى دا مالىمدەدى
سەۋل. قازاقپارات - سولتۇستىك كورەيا كوشباسشىسى كيم چەن ىن كورەي تۇبەگىن يادرولىق قارۋسىزداندىرۋعا جانە ا ق ش پرەزيدەنتى دونالد ترامپپەن سامميت وتكىزۋگە دايىن ەكەندىگىن راستادى، دەپ مالىمدەدى جەكسەنبى كۇنى وڭتۇستىك كورەيا پرەزيدەنتى مۋن جە بەي.
بۇل تۋرالى قازاقپارات رەنحاپ اگەنتتىگىنە سىلتەمە جاساپ حابارلايدى.
«كورەيا كوشباسشىسى كيم چەن ىن پحانمۋندجوم دەكلاراتسياسىنا قول قويعاننان كەيىن كورەي تۇبەگىن تولىقتاي يادرولىق قارۋسىزداردىراتىنىن كەزەكتى رەت جەتكىزدى. سونداي-اق، ول ا ق ش پەن سولتۇستىك كورەيا ءسامميتىن وتكىزۋ ناتيجەسىندە كونفرونتاتسياعا جانە سوعىسقا نۇكتە قويۋعا نيەتتى»، - دەدى پرەزيدەنت مۋن سەنبى كۇنى وتكەن باسپا ءسوز ءماسليحاتىندا.
«ءبىز، ەكى ەلدىڭ كوشباسشىلارى، سولتۇستىك كورەيا- ا ق ش ءسامميتىن 12 -ماۋسىمدا وتكىزۋگە كەلىستىك»، - دەپ اتاپ ءوتتى وڭتۇستىك كورەيا پرەزيدەنتى.
كورەياارالىق سامميت سوڭعى رەت پحانمۋندجومدا، ەكى كورەيانى ءبولىپ تۇرعان شەكارا اۋىلىندا وتكەن بولاتىن. سول جەردە 27 -ساۋىردە سولتۇستىك جانە وڭتۇستىك كورەيا كوشباسشىلارىنىڭ العاشقى ءسامميتى ءوتتى.
«ا ق ش پرەزيدەنتى ترامپپەن وتكەن اپتادا بولعان ءسامميتتىڭ قورىتىندىسى تۋرالى ايتار بولساق، مەن ا ق ش پرەزيدەنتىنىڭ ەگەر كيم چەن ىن تولىق يادرولىق قارۋسىزداندىرۋ تۋرالى شەشىم قابىلداپ، سونى ورىنداسا، سولتۇستىك كورەيامەن دۇشپاندىق قاتىناسىن توقتاتىپ، ەكونوميكالىق ىنتىماقتاستىق جاسايتىنى تۋرالى حابارلاماسىن جەتكىزدىم»، - دەپ جەتكىزدى مۋن.
وڭتۇستىك كورەيا پرەزيدەنتى دۇيسەنبى- سارسەنبى ارالىعىندا ۆاشينگتونعا ساپارمەن باردى.
«كەشە پرەزيدەنت كيم چەن ىن كورەي تۇبەگىن تولىقتاي يادرولىق قارۋسىزداندىراتىنىن انىق راستادى. پرەزيدەنت كيم ا ق ش-تىڭ ۋادەسىنە سەنۋگە بولاتىنىنا تولىقتاي كوز جەتكىزە الماي وتىر»، - دەپ اتاپ ءوتتى مۋن.
ەسكە سالايىق، ا ق ش پرەزيدەنتى دونالد ترامپ جۇما كۇنى سولتۇستىك كورەيا كوشباسشىسى كيم چەن ىنمەن جوسپارلانعان كەزدەسۋدىڭ 12 -ماۋسىمدا ءوتۋى مۇمكىن ەكەندىگىن مالىمدەگەن ەدى.