سەۋل جۇرتى ا ق ش- تىڭ رەسمي پحەنيانعا قاتىستى ساياساتىنا قارسى شەرۋگە شىقتى

استانا. قازاقپارات-  ا ق ش پرەزيدەنتى دونالد ترامپتىڭ ساياساتىنا قارسى سەۋلدىكتەر ەرەۋىل ۇيىمداستىردى. كوشەگە شىققاندار ا ق ش پەن كورەيا حالىق دەموكراتيالىق رەسپۋبليكاسىنىڭ اراسىندا وتەتىن سامميتتىڭ بەلگىلەنگەن ۋاقىتىندا بولمايتىنى ءۇشىن نارازى.

جينالعاندار ا ق ش ەلشىلىگىنىڭ الدىندا شۋ شىعارىپ، كەلىسسوز جۇرگىزىپ، ماسەلەنى قايتا قاراۋدى تالاپ ەتتى.

ەسكە سالا كەتەيىك، ا ق ش پرەزيدەنتى دونالد ترامپ سولتۇستىك كورەيا باسشىسى كيم چەن ىنمەن جۇزدەسۋدەن باس تارتتى. جوعارى لاۋازىمدى كەزدەسۋ 12-  ماۋسىمعا بەلگىلەنگەن بولاتىن. اق ءۇي باسشىسى مۇنداي شەشىمدى رەسمي پحەنياننىڭ كەيبىر مالىمدەمەلەرىنە بايلانىستى قابىلداعانىن ايتتى. ال سولتۇستىك كورەيا تاراپى ا ق ش بيلىگىمەن كەز كەلگەن ۋاقىتتا كەزدەسۋ وتكىزۋگە دايىن. مۇنداي مالىمدەمەنى وسى ەلدىڭ سىرتقى ىستەر ءمينيسترىنىڭ ورىنباراسى كيم كە گۆان جاسادى.

 ديپلوماتتىڭ ايتۋىنشا، سولتۇستىك كورەيا ايماقتا بەيبىتشىلىك پەن تۇراقتىلىق ورناتۋعا مۇددەلى.

 بليتس:

 - كورەيا حالىق دەموكراتيالىق رەسپۋبليكاسى ا ق ش- تىڭ ءۇش ازاماتىن بوستاندىققا جىبەردى، يادرولىق پوليگونىن جاپتى. ال ا ق ش بولسا جوسپارلانعان سامميتتىڭ بولمايتىنىن جاريالادى. بۇل جاعداي ءبىزدىڭ اشۋىمىزعا ءتيدى.

- بۇگىن جينالىپ، دونالد ترامپتىڭ شەشىمىنە قارسىلىعىمىزدى كورسەتكىمىز كەلدى. بۇل ءسامميتتىڭ بولۋى ەكى ەلگە دە وتە ماڭىزدى دەپ ەسەپتەيمىن.

www.24.kz