الجير تۇتقىندارىنا قۇرمەت: يزرايل ەلشىلىگى مەموريالدى تاقتا ورناتتى

None
None
كوكشەتاۋ. قازاقپارات - اقمولا وبلىسىنىڭ سەلينوگراد اۋدانىنداعى «الجير» مۋزەي- مەموريالدىق كەشەنى اۋماعىندا 1938-1953 -جىلدارى تۇتقىندا جازاسىن وتەگەن ەۆرەي ۇلتى ايەلدەرىنىڭ قۇرمەتىنە مەموريالدى تاقتا قويىلدى، دەپ حابارلايدى قازاقپارات ءتىلشىسى.

 شارا ەلىمىزدە جىل سايىن 31 - مامىردا اتالىپ وتەتىن ساياسي قۋعىن- سۇرگىن قۇرباندارىن ەسكە الۋ كۇنى قارساڭىندا جۇزەگە اسىرىلدى.

 «الجير مەموريالىندا سوتتالعان ءار ۇلتتىڭ ايەلدەرىنە بەلگى قويىلعان بولسا، ونىڭ ىشىندە ەۆرەي ايەلدەرى جوق. الجير- دە 855 ەۆرەي ايەلى جازاسىن وتەدى. سول سەبەپتى، مەن يزرايل ەلشىسىنە حات جازىپ، وسى مالىمەتتەردى جەتكىزدىم. ول بىردەن «كوكتەمدە ەسكەرتكىش ورناتامىز» دەدى. مەن وسى جاڭالىقتى يزرايلدىڭ بۇقارالىق اقپارات قۇرالدارىندا تاراتۋ ءۇشىن قازاقستانعا ارنايى كەلىپ وتىرمىن»، - دەيدى كينورەجيسسەر، جۋرناليست سەرگەي شافير.



«ءبىز وسى تاقتانى اشۋ ارقىلى الجير- دە زاڭسىز سوتتالعاندارعا قاتىستى تاريحي ادىلدىككە قول جەتكىزەمىز. ءبىرىنشى رەت ادىلدىك ستاليننىڭ جەكە باسىنا تابىنۋشىلىق اشكەرەلەنگەننەن كەيىن ساياسي قۋعىن- سۇرگىنگە ۇشىراعان ەرلەر مەن ولاردىڭ ايەلدەرى اقتالعان كەزدە بولسا، ەكىنشى رەت ق ر پرەزيدەنتى نۇرسۇلتان نازاربايەۆتىڭ باستاماسىمەن مەموريالدىق كەشەننىڭ اشىلۋىندا ورنادى»، دەپ اتاپ ءوتتى قازاقستان رەسپۋبليكاسىنداعى يزرايلدىڭ توتەنشە جانە وكىلەتتى ەلشىسى ميحاەل برودسكي.

 شاراعا «الجير» مۋزەي- مەموريالدىق كەشەنىنىڭ ديرەكتورى سامات تەرگەمبايەۆ جانە استاناداعى باس راۆۆين شمۋەل كارناۋح قاتىستى.



 مەموريالدىق تاقتا وتكەن عاسىردىڭ 30-50 - جىلدارىنداعى قايعىلى كۇندەردى ەسكە الۋعا ارنالعان. ءار جىلدارى «وتانىن ساتقانداردىڭ» ايەلدەرىنە ارنالعان اقمولا لاگەرى اتالاتىن «№26 لاگپۋنكتە» 855 ەۆرەي ايەلى بولدى، ولار تۇتقىنداردىڭ 16 پايىزىن قۇرادى. جالپى، مۇراجاي مۇراعاتتارىندا الجير- دە تۇتقىندا بولعان 62 ۇلتتىڭ ايەلدەرىنىڭ ەسىمدەرى جازىلعان.

اۆتور: اسلان وسپانوۆ

سوڭعى جاڭالىقتار