شىعىس قازاقستاندا كيىز ءۇي فەستيۆالى ءوتىپ جاتىر

استانا. قازاقپارات - شىعىس قازاقستان وبلىسىندا كيىز ءۇي فەستيۆالى ءوتىپ جاتىر. ون جىلدان استام ۋاقىتتان بەرى وتكىزىلىپ كەلە جاتقان شارا «XXI حالىقتىق ويىندار سپارتاكياداسى شەڭبەرىندە» ۇيىمداستىرىلدى.

 وسىلايشا وسكەمەن ماڭىندا اق شاڭقان اۋىل بوي كوتەردى. بۇل جەرگە زايسان، اباي، ۇلان، قاتون- قاراعاي سىندى الىس- جاقىن وڭىرلەردەن ۇزىن سانى 20-عا جۋىق ءۇي تىگىلدى.

 بارلىعى دا ۇلتىمىزدىڭ داستۇرىنەن اقپارات بەرەتىن بايىرعى زامانداعى تۇرمىستىق دۇنيەلەرمەن جابدىقتالعان. سوندىقتان كيىز ۇيلەر ىشىنە تەكەمەت، سىرماق سىندى توسەنىشتەردىڭ، اس- سۋعا قاجەتتى قۇرالداردىڭ بارلىعى قويىلعان. 6 -8 قاناتتى قازاق ۇيلەردىڭ ىشىندەگى ەڭ ادەمىلەرىنىڭ ءبىرى اباي اۋدانىنا تيەسىلى بولدى.

جانات حايسينا، فەستيۆالعا قاتىسۋشى:

 - ءبىز بۇگىن وسى مەرەكەگە اباي اۋدانىنان ەرەكشە 3 ۇيدەن قۇرالعان اباي اتانىڭ باس ءۇيىن اكەلدىك. كوپ كۇن دايىندالدىق ەندى وسى ۇلكەن مەرەكە بولعاندىقتان ءۇيدى تىگۋ، قۇراۋدىڭ ءوزى جالپى ءبىر اپتا ون كۇندەي ۋاقىت دايىندىق جاسادىق.

www.24.kz