شاڭحايدا «بولاشاق » باعدارلاماسى بويىنشا وقيتىن ستۋدەنتتەر سانى ارتادى
دەپ حابارلايدى قازاقپارات.
قازاقستان يكەمدى سىرتقى ساياساتتىڭ جانە ءوزىنىڭ ءتيىمدى گەوساياسي ورنىن پايدالانۋدىڭ ارقاسىندا قىتاي مەن ەۋرازيا ەلدەرى اراسىندا سەنىمدى كوپىرگە اينالىپ وتىر. پرەزيدەنتتىك «بولاشاق» ستيپەندياسىنىڭ ەسەبىنەن الەمنىڭ ۇزدىك جوعارى وقۋ ورىندارىندا ءبىلىم الۋ مۇمكىندىگىنە يە جاستارىمىزدىڭ زياتكەرلىك الەۋەتى - قازاقستاندى دامىتۋدىڭ مىقتى فاكتورلارىنىڭ ءبىرى، - دەدى ج. مەلدەشوۆ شاڭحاي پوليتەحنيكالىق ۋنيۆەرسيتەتىنىڭ (ش پ ت ۋ) پرورەكتورى سە تسينحۋامەن كەزدەسۋ بارىسىندا.
ءوز كەزەگىندە، ش پ ت ۋ قازاق ستۋدەنتتەرىنىڭ تەگىن ءبىلىم الۋى ءۇشىن قازاقستانعا بولىنەتىن گرانتتار سانىن كوبەيتۋگە نيەت ءبىلدىردى. شاڭحاي شەت تىلدەرى ۋنيۆەرسيتەتىنىڭ وكىلى دە قازاقستاندىق ستۋدەنتتەرگە قوسىمشا گرانت بولۋگە ءازىر ەكەنىن ايتتى.
شاڭحاي ءبىلىم باسقارمالارىنىڭ قىزمەتكەرلەرىمەن كەزدەسۋ بارىسىندا الداعى 2018 -جىلدىڭ قاراشا ايىندا وتەتىن جىل سايىنعى قازاقستانداعى حالىقارالىق ءبىلىم جارمەڭكەسى تالقىلاندى. وقۋ ورىندارىنىڭ كوپتىگى مەن دارەجەسىنەن شاڭحاي تەڭدەسسىز بولماق. جارمەڭكەگە 40 استام جوعارى وقۋ ورىندارى، سونداي- اق «توپ 70» - كە ەنەتىن فۋدان جانە كولىكتىك ۋنيۆەرسيتەتتەرى قاتىسپاق.
