جەدەل جاردەم كولىكتەرى جوعارى جىلدامدىقتا جۇرۋگە قورقادى - ەلجان ءبىرتانوۆ

None
None
استانا. قازاقپارات - جەدەل جاردەم كولىكتەرى جوعارى جىلدامدىقتا جۇرۋگە قورقادى. بۇل تۋرالى بۇگىن ازاماتتىق سەكتوردىڭ وكىلدەرىمەن كەزدەسۋدە ق ر دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى، دەپ حابارلايدى قازاقپارات ءتىلشىسى.

«جەدەل جاردەمنىڭ بارىنشا جىلدام كەلۋى جانە وسى كومەكتىڭ ساپالى كورسەتىلۋى ماڭىزدى. وتكەن جىلى ءبىز جەدەل جاردەمدى رەفورمالاۋ بويىنشا جوبانى باستادىق. بۇل باعىتتاعى جۇمىستار ءبىرىنشى كەزەكتە جۇكتەمەنى تومەندەتۋگە نەگىزدەلگەن. جەدەل جاردەم «دوڭگەلەك ۇستىندەگى» ەمحاناعا اينالماۋى ءتيىس، ياعني بۇل قىزمەت وزىنە تيەسىلى جۇمىستاردى اتقارۋى كەرەك. سونىمەن قاتار جەدەل جاردەمدى سوزىلمالى اۋرۋلاردى ەمدەۋ ءۇشىن پايدالانباۋ قاجەت، ول ءۇشىن ەمحانالار بار. سوندىقتان زاڭنامالىق تۇردە بۇل شارالار ءوزارا ءبولىندى. ومىرگە قاتەر تۋدىرمايتىن سوزىلمالى اۋرۋلارعا بايلانىستى جاعدايلار ەمحانالارعا باعىتتالادى»، - دەدى مينيستر.

وسى ورايدا، بۇل نورمانى ەنگىزۋدىڭ ارقاسىندا جەدەل جاردەمگە ءتۇسىپ تۇرعان جۇكتەمە تومەندەتىلىپ، ولاردىڭ ناۋقاسقا جەتۋ مەرزىمى قىسقاردى.

 «جەدەل جاردەم كولىكتەرىنىڭ رەبرەندينگى جۇرگىزىلدى. بىرتىندەپ بارلىعى ءبىر تۇسكە كەلتىرىلۋدە. سونىمەن قاتار بۇل كولىكتەردىڭ سيرەناسى ءارقاشان قوسىلىپ تۇرۋىن تالاپ ەتۋدەمىز. ماقسات نەدە؟ بۇل رەتتە كولىكتىڭ بارىنشا جىلدام جەتۋىنە نازار اۋدارىلۋدا. جەدەل جاردەم كەلە جاتقاندا، جولداعى وزگە جۇرگىزۋشىلەر، جاياۋ جۇرگىنشىلەر دۇرىس ارەكەت ەتە ءبىلۋىمىز كەرەك. انىقتالعانداي، جەدەل جاردەم كولىگىنىڭ تىزگىنىندە وتىرعان جۇرگىزۋشىلەردىڭ وزدەرى ناۋقاستى جەتكىزۋ كەزىندە جوعارى جىلدامدىقپەن جۇرە المايدى ەكەن. ولار ءۇشىن بۇل كۇتپەگەن جاعداي بولدى. قازىرگى كەزدە ولارعا ءتيىستى كۋرستاردى وتكىزىپ جاتىرمىز. استانادا جۇرگىزۋشىلەر وتكىزىپ جاتقاندا دا ولار (جەدەل جاردەم) ارى قاراي قوزعالۋعا سەسكەنىپ تۇرعانىن كوردىك»، - دەپ اتاپ ءوتتى مينيستر.

اۆتور: رۋسلان عابباسوۆ

سوڭعى جاڭالىقتار