عالىمدار ارىقتاۋعا كومەكتەسەتىن «گادجەت» ويلاپ تاپتى

  استانا. قازاقپارات - يزرايل عالىمدارى ارىقتاۋعا كومەكتەسەتىن مەديتسينالىق ەرەكشە «گادجەت» ويلاپ تاپتى.

 قۇرىلعى ادامنىڭ ءدامدى تاعامنىڭ ءيىسىن سەزۋ قابىلەتىن جويىپ وتىرادى، دەپ حابارلايدى ريا نوۆوستي باسىلىمى. ونىڭ ۇلگىسى جانە العاشقى سىناماسى ۆەنادا وتكەن سەمىزدىك جونىندەگى ەۋروپالىق كونگرەستە تانىستىرىلدى.

«ءبىز ادامنىڭ تابەتىندە يىسكەۋدىڭ قانشالىقتى ماڭىزدى ەكەنىن ۇيرەنە باستادىق. ءبىر جاعىنان ءبىز جاعىمدى جانە جاعىمسىز يىستەردىڭ تابەتىمىزدى اشىپ نە باسىپ تاستاۋىنا اسەر ەتەتىنىن ءبارىمىز بىلەمىز. مىسال رەتىندە، يىسكەۋدى باسىپ تاستاۋ ءتاتتى تاعامنان باس تارتۋعا اكەلەتىنىن كورسەتتىك» ، - دەدى ءيزرايلدىڭ پەتاح- تيكۆا قالاسىندا حاشارون اۋرۋحاناسىنىڭ مامانى درور ديكەر (Dror Dicker) .

دۇنيەجۇزىلىك دەنساۋلىق ساقتاۋ ۇيىمىنىڭ قازىرگى مالىمەتتەرىنە سۇيەنسەك، الەمدە وتكەن عاسىردىڭ 80- جىلدارىنان باستاپ سەمىزدىك ەپيدەمياسى بايقالدى. وتكەن جىلى جەر شارىنداعى ءاربىر ءۇشىنشى تۇرعىن، جالپى العاندا 1,9 ميلليارد ادام ارتىق سالماقتان زارداپ شەكتى. ولاردىڭ 15 پروتسەنتى سەمىزدىكتىڭ اسقىنعان فورماسىمەن اۋىردى. ۇيىمنىڭ دەرەكتەرىنە قاراعاندا، ، اۋرۋلاردىڭ 47 پروتسەنتى، مىسالعا جۇرەك اۋرۋلارى، ديابەت، راك ءدال وسى ارتىق سالماقپەن بايلانىستى.

ديكەر مەن ونىڭ ارىپتەستەرى ارتىق سالماقپەن كۇرەسۋدىڭ وتە وڭاي جولىن ۇسىندى. يزرايل دارىگەرلەرى سەمىزدىكتىڭ بىرنەشە جولىن تالداي وتىرىپ، 50 جاستان اسقان ادامداردىڭ ءيىس سەزۋ قابىلەتى ناشارلاي باستايتىنىن انىقتادى. سوندىقتان دا ولارعا تاماقتىڭ تاعى ءبىر پورتسياسى جەتپەي تۇرعان سياقتى بولىپ كورىنەدى.

ولار وسى يدەيانى تەكسەرىپ، سيليكوننان ارنايى بىرنەشە تىعىن جاسادى. ول اۋا جىبەرەدى، ءبىراق ءيىس ادامعا وڭاي جەتپەيدى. كەيىن ماماندار ەرىكتىلەردەن قۇرالعان التى ديۋجينانى (ون ەكى ادامنان قۇرالعان توپتى) تەستىلەۋگە الدى. ولاردىڭ جارتىسىنا ارىقتاۋعا كومەكتەسەتىن ولشەۋىش «تامشىلار» بەرىپ وتىردى.

ساراپتامانىڭ الدىندا ادامداردىڭ جەيتىن تاماعىنىڭ مولشەرىن قاراپ الدى جانە ولاردان تاماعىن 500 كيلوكالارياعا دەيىن ازايتىپ وتىرۋدى سۇرادى. عالىمدار ءار اپتا سايىن ولاردى جيناپ، ماي، ينسۋلين جانە قانداعى باسقا دا مولەكۋلالاردى دەڭگەيىن ولشەپ، ارتىق سالماقتان ارىلۋداعى جاقسى وزگەرىستەردى بەلگىلەپ الدى.

ساراپتامانىڭ سوڭىندا تىعىندار ارتىق سالماقتان ارىلۋعا كومەكتەسكەنى بەلگىلى بولدى جانە ديەتاسىن اۋىستىرعانداردىڭ سالماعى سەگىز پايىزعا ازايعان. بۇل باقىلاۋ توبىنداعىلاردان ەكى ەسە كوپ بولدى.

سونىمەن قاتار، قانداعى ينسۋلين كونسەنتراتسياسى، قان قىسىمى جانە ءتاتتى تاعامعا دەگەن تابەت تە باسەڭدەگەن.

ديكەردىڭ ايتۋىنشا، مۇرىنعا ارنالعان مۇنداي تىعىندار ادام دەنساۋلىعىنا ەش قاۋپى جوق جانە الداعى ايلاردا ساتىلىمعا شىعادى.

Baq.kz