تەمەكىنى تاستاۋدىڭ ءتيىمدى جولى تابىلدى
زيان ادەتتەن باس تارتۋدىڭ ءتيىمدى جولى - اقشا ۇسىنۋ بولىپ شىقتى. مامانداردىڭ وسى ماسەلەنى زەرتتەگەن ماقالاسى New England Journal of Medicine جۋرنالىندا جاريالاندى.
CBS News باسىلىمى تاراتقان اقپاراتقا سۇيەنسەك، زەرتتەۋگە تەمەكى شەگەتىن التى مىڭعا جۋىق ادام قاتىستى. ولار دەنساۋلىعىن ساۋىقتىرۋ باعدارلاماسى اياسىندا بىرنەشە توپقا ءبولىندى جانە ءار توپقا تەمەكىدەن باس تارتۋ ءادىسى تاعايىندالىپ، باقىلاۋعا الىندى.
ءبىرىنشى توپقا سالاۋاتتى ءومىر سالتىن ۇستانۋدىڭ پايداسى تۋرالى موتيۆاتسيالىق اقپاراتتار ايتىلدى؛ ەكىنشىسىنە نيكوتين پلاستىرلار مەن فارماتسيەۆتيكالىق پرەپاراتتار، مىسالعا ۆارەنيكلين بەرىلدى؛ ءۇشىنشى توپتاعىلارعا ەلەكتروندى تەمەكى ۇسىنىلدى. سوڭعى ەكى توپقا قوسىمشا 600 دوللار بەرىپ وتىردى. ەگەر التى اي بويى تەمەكىدەن ارىلماسا، وندا اقشادان ايىرىلىپ قالاسىڭ دەگەن شارت قويىلدى.
سوندا جاي كومەك ۇسىنىلعان توپتىڭ تەك 0,1 پروتسەنتى عانا تەمەكىنى تاستاعان. ال باسقا توپتاردا 0,5 جانە 3 پروتسەنت ارالىعىندا بولادى. ەڭ جاقسى كورسەتكىش اقشا الىپ وتىرعان قاتىسۋشىلارعا تيەسىلى. ايتا كەتەرلىگى، بۇل شىعىندى ءوز قىزمەتكەرلەرىنىڭ تەمەكى تاستاعانىن قولدايتىن ءىرى كومپانيالار وتەدى.
Baq.kz