داۋرەن ابايەۆ جاپوندىق ارىپتەستەرىمەن سيفرلاندىرۋ ماسەلەلەرىن تالقىلادى
دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.
د. ابايەۆ ىشكى ىستەر جانە كوممۋنيكاتسيالار ءمينيسترى سەيكو نودامەن كەزدەسۋ بارىسىندا اقپارات جانە كوممۋنيكاتسيالار سالاسىنداعى ەكى ەل اراسىنداعى بايلانىستى ارى قاراي دامىتۋ ماسەلەلەرىن تالقىلادى، ونىڭ ىشىندە «سيفرلىق قازاقستان» باعدارلاماسىنىڭ جۇزەگە اسىرىلۋى دا بار.
سونىمەن قاتار، قازاقستاندىق دەلەگاتسيا N EC كورپوراتسياسىنىڭ باسشىلارىمەن كەلىسسوزدەر جۇرگىزدى. اتالمىش كورپوراتسيا - ەلەكتروندىق، كومپيۋتەرلىك تەحنيكالار، تەلەكوممۋنيكاتسيالىق قۇرىلعىلار قۇراستىراتىن، سونداي- اق موبيلدىك جانە تۇراقتى جەلىلەرگە، كەڭجولاقتى جانە كورپوراتيۆتى جۇيەلەرگە، جارتىلاي وتكىزگىش سالاسىنا، IT جانە ينتەرنەت قۇرىلعىلارعا، مەتەورولوگيالىق جەر سەرىكتەرىنە ارنالعان باعدارلامالار جاسايدى.
NEC كورپوراتسياسى Toyota Tsusho كومپانياسىمەن بىرىگىپ قازاقستاننىڭ تەمىرجول سالاسىندا «Neo Face» ادام كەلبەتىن تانيتىن تەحنولوگياسىن ەنگىزۋدى جوسپارلاۋدا.
يوكوسۋكا يننوۆاتسيا- زەرتتەۋ پاركىنىڭ باس حاتشىسى (Yokosuka Research Park - YRP) تەتسۋيا ياسۋيمەن كەلىسسوز بارىسىندا YRP- مەن قازاقستاندا قۇرىلعان «Astana Hub»IT- ستارتاپ حالىقارالىق تەحنوپاركىمەن ىنتىماقتاستىق جونىندە الدىن الا كەلىسىمگە قول جەتكىزىلدى.
قازاقستاندىقتار Wireless Technology Park - 2018 حالىقارالىق كورمەسىندە سىمسىز تەحنولوگيالار سالاسىنداعى سوڭعى جەتىستىكتەرمەن تانىسىپ، Fujitsu سيفرلىق ترانسفورماتسيالار كومپانياسىنىڭ ورتالىعىنا باردى، سونىمەن قاتار، جاپوندىق Toyota Tsusho الپاۋىت كومپانياسىنىڭ اتقارۋشى ديرەكتورى م. اكيامامەن ەكىجاقتى ىنتىماقتاسۋ ماسەلەلەرى تالقىلاندى.