ا ق ش تۇركىمەنستاننان كەلگەن ماقتا ونىمدەرىنە تىيىم سالدى
ءبىراق بۇعان دەيىن ا ق ش- تىڭ ماقتا كامپانياسىنىڭ وكىلدەرى، تۇركىمەنستانداعى بالاما اقپارات كوزدەرى مەن حالىقارالىق جۇمىسشىلار قۇقىعى فورۋمى ا ق ش- تىڭ كەدەن جانە شەكارا قىزمەتىنەن «كۇشتەپ جۇمىسقا سالۋ مەن بالا ەڭبەگى» ارقاسىندا ءوندىرىلىپ، جاسالعان بارلىق تاۋارلار يمپورتىنا تىيىم سالۋدى سۇراعان.
«بۇل ءۇش توپ تۇركىمەن ۇكىمەتىن قوعامدىق سەكتور جۇمىسشىلارىن «جالاقىلارىڭدى بەرمەيمىز» جانە «جۇمىستان شىعارامىز» دەپ قورقىتىپ، ماقتا تەرگىزگەن دەپ ايىپتاپ وتىر» دەپ جازدى 24- مامىردا Crowell & Moring حالىقارالىق ساۋدا ۇجىمى ۋەب سايتىندا.
«ا ق ش كەدەن جانە شەكارا قىزمەتىنىڭ شەشىمى الەمدە ءالى كۇنگە دەيىن كەزدەسەتىن كۇشتەپ جۇمىسقا سالۋمەن كۇرەستە جاسالعان ماڭىزدى قادام» دەدى حالىقارالىق جۇمىسشىلار قۇقىعى فورۋمىنىڭ ديرەكتورى ەريك گوتۋولد.
ا ق ش زاڭى بالا ەڭبەگى مەن كۇشتەپ جۇمىسقا سالۋ جانە بالا ەڭبەگى ارقىلى الىنعان ونىمدەردى يمپورتتاۋعا تىيىم سالادى.
www.azattyq.org