الماتى مەتروسىنىڭ قۇرىلىسىنا قانشا اقشا جۇمسالادى

None
None
الماتى. قازاقپارات - الماتى مەتروپوليتەنىنىڭ قۇرىلىسىنا 2020 -جىلعا دەيىن 32 ميلليارد تەڭگە قاراستىرىلماق. بۇل ساندار ق ر  ۇكىمەتىنىڭ «2030 -جىلعا دەيىن الماتى اگلومەراتسياسى قالىپتاسۋىنىڭ ۇزاق مەرزىمدى جوسپارىن بەكىتۋ» جوباسىندا جاريالاندى، دەپ حابارلايدى قازاقپارات ءتىلشىسى.

جوسپارعا سايكەس الماتىداعى مەتروپوليتەننىڭ قۇرىلىسى 2018-2024 - جىلدار اراسىنا بەلگىلەنگەن.

«رەسپۋبليكالىق بيۋدجەتتەن 2018 - جىلعا - 9 ميلليارد، 2019 -جىلعا - 10 ميلليارد، 2020 -جىلعا - 10 ميلليارد، جەرگىلىكتى بيۋدجەتتەن 2018 -جىلعا - 900 ميلليون، 2019 - 1 ميلليارد، 2020 - 1 ميلليارد تەڭگە جوسپارلانعان»، - دەپ جازىلعان قۇجاتتا.

ايتا كەتۋ كەرەك، قالادا «سارى ارقا» مەن «دوستىق» ستانسالارىنىڭ قۇرىلىسى جۇرگىزىلىپ جاتىر. قۇرىلىس جۇمىستارى 2020 -جىلعا قاراي اياقتالمادى.

سونىمەن قاتار، مەترو جەلىسى قالقامان جانە باتىس اۆتوۆوكزالى جاققا قاراي سوزىلماق.

جوبا اياسىندا الماتى وبلىسىمەن بايلانىستى ارتتىرۋ ماقساتىندا BRT  جانە LRT الماتىدان باتىسقا - ۇزىناعاشقا قاراي، سولتۇستىككە - قاپشاعاي قالاسىنا دەيىن، شىعىسقا قاراي - شەلەك اۋدان ورتالىعىنا دەيىن سوزىلادى. 3 اۆتوستانسا سالىنادى.

الماتى اگلومەراتسياسى 9,4 مىڭ شارشى شاقىرىم اۋماقتى الىپ جاتىر.

قالا شەكاراسى ق ر ۇكىمەتىنىڭ 2010 -جىلعى 22 - قازانداعى № 1097 بۇيرىعىنا سايكەس بەلگىلەنگەن.

الماتى اگلومەراتسياسىندا 2 ميلليون 984 مىڭ ادام ءومىر ءسۇرىپ جاتىر. ولاردىڭ 1 ميلليون 801 مىڭى مەگاپوليستە تۇرادى.

اۆتور: گۇلميرا عوسمانالي

سوڭعى جاڭالىقتار