كولىكتە قامالىپ قالعان ايۋ قورىققاننان سيگنال جۇيەسىن باسا بەرگەن

None
None
  استانا. قازاقپارات - ا ق ش- تاعى كوننەكتيكۋت شتاتىنىڭ پوليتسيا قىزمەتكەرلەرى تۇرعىنداردىڭ كولىككە بىرەۋدىڭ كىرىپ العانى تۋرالى شاقىرتۋىنا كەلگەندە، اۆتوكولىكتەن شىعا الماي تۇرعان ايۋدى كورگەن.

كولىكتە قامالىپ قالعان ايۋ قورىققاننان سيگنال جۇيەسىن باسا بەرگەن. بۇل تۋرالى UPI حابارلادى، دەپ جازادى Stan.kz اقپاراتتىق اگەنتتىگى.

سول كۇنى كولىك يەسى ليندا موراد دوستارىنىڭ ۇيىندە تۇرعان Subaru Outback ماركالى كولىگىنىڭ شامدارى جانعانىن كورىپ قالىپ، قۇتقارۋشىلاردى شاقىرادى. سونداي- اق، اۆتوكولىكتەن دىبىستىق سيگنال شىققان ەكەن.

«مەن مۇندا جالعىز ءوزىم عانا، ال بىرەۋ مەنىڭ كولىگىمە كىرىپ الىپتى. كولىكتىڭ شامى جانىپ، دىبىستىق سيگنال ويناپ تۇر جانە ونىڭ ىشىندە بىرەۋدىڭ وتىرعانىن كوردىم» ، - دەدى ول ديسپەتچەرگە.

كوپ ۇزاماي ءتيىستى مەكەن- جايعا كەلگەن پوليتسيا قىزمەتكەلەرى، بىرەۋدىڭ كولىگىن بۇزىپ كىرگەن ۇرىنىڭ قارا ايۋ ەكەنىن كورگەن.

«ءبىزدىڭ ويىمىزشا، ول ەسىكتى قولىمەن اشقان. سونداي- اق، كولىكتىڭ جاعدايىنا قاراپ، ايۋدىڭ قاتتى قورقىققانىن كورۋگە بولادى» ، - دەگەن بولجام كەلتىردى پوليتسيا كاپيتانى لوۋرەنس تەررا.

ولار كولىكتىڭ ەسىگىن اشقاننان كەيىن، ايۋ تەز ارادا قاشىپ ۇلگەرگەن ەكەن.

امەريكانىڭ كوننەكتيكۋت شتاتىنىڭ ەنەرگەتيكا جانە قورشاعان ورتانى قورعاۋ دەپارتامەنتىنىڭ وكىلى كريس كولليبي اڭدار كوبىنەسە ازىق- تۇلىكتىڭ ءيىسىن سەزىپ، كولىكتىڭ ەسىگىن بۇزىپ اشىپ، كىرىپ الادى دەيدى. الايدا، موراد كولىكتە باناننان باسقا تاماقتىڭ بولماعانىن ايتۋدا.

 

Stan.kz

سوڭعى جاڭالىقتار