14:51, 25 - مامىر 2018 | GMT +6
ديماشتىڭ ورىنداۋىنداعى ءاندى شىرقاعان مەرۋەرت تۇسىپبايەۆا جۇرتتى تامساندىردى
استانا. قازاقپارات - ءانشى مەرۋەرت تۇسىپبايەۆا ديماش قۇدايبەرگەننىڭ ورىنداۋىنداعى «دايديداۋ» ءانىن شىرقاپ جۇرتتى تامساندىردى.
تانىمال ءانشى مەرۋەرت تۇسىپبايەۆا Instagram جەلىسىندەگى پاراقشاسىندا كونسەرت الدىندا ديماش قۇدايبەرگەننىڭ ورىنداۋىنداعى ءاندى شىرقاعان ۆيدەوسىن جاريالادى.
ۆيدەودا ءانشى ادىرنانىڭ سۇيەمەلدەۋىمەن «دايديداۋ» ءانىن ورىندادى.
«اتادان قالعان مۇرا. كونە اسپاپ ادىرنانى تىڭداپ، جۇرەگىم ءدىر ەتتى»، - دەيدى ءانشى ۆيدەودا.
ءوز كەزەگىندە جەلى قولدانۋشىلارى ءانشىنىڭ وتە سەزىمتال جان ەكەنىن ايتىپ، ءاندى ورىنداۋىنا ءتانتى بولدى.
«داۋسىڭىز كەرەمەت ەكەن»، «مەرۋەرت، ءاندى كەرەمەت ايتاسىز. داۋسىڭىز وتە ادەمى»، «جۇرەكپەن تىڭداي بىلگەنىڭىزگە راحمەت»، - دەپ جازدى پىكىر قالدىرۋشىلار.
ايتا كەتسەك، بۇعان دەيىن مەرۋەرت تۇسىپبايەۆا «قازاقستان» ارناسىنىڭ ەفيردەن ءوزىنىڭ ءانىن قيىپ تاستاعانىنا قاتىستى پىكىر ءبىلدىردى.