الماتى وبلىسىندا كيەلى جەرلەردىڭ ەلەكتروندى كارتاسى جاسالدى
بۇل تۋرالى و ق ك- دا وتكەن باسپا ءسوز ءماسليحاتىندا الماتى وبلىسىنىڭ اكىمى اماندىق باتتالوۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستاننىڭ كيەلى كارتاسى» جوباسى اياىندا الماتى وبلىسىندا 58 ورىن تاڭدالىپ الىندى. ونىڭ 17 ى رەسپۋبليكالىق، ال 41 ى وبلىستىق تىزىمگە ەنگىزىلدى»، - دەپ حابارلادى ول.
اماندىق باتتالوۆ كەلتىرگەن مالىمەتكە سايكەس، كارتا ايماقتىڭ كيەلى ورىندارى مەن تابيعي ەسكەرتكىشتەرى تۋرالى مادەني جانە تاريحي مالىمەتتەردى الۋعا مۇمكىندىك بەرەدى.
«ول كارتادان كيەلى ورىنداردىڭ ورنالاسقان جەرىن، تاريحىن، باعدارىن، فوتوسۋرەتتەرى جانە بەينەماتەريالداردى تابۋعا بولادى»، - دەدى سپيكەر.
وبلىس باسشىسىنىڭ اتاپ وتۋىنشە، زاماناۋي اقپاراتتىق تەحنولوگيالاردى ەنگىزۋ كەز كەلگەن ساپاردىڭ لوگيستيكاسىنا ايتارلىقتاي جەڭىلدىك بەرەدى.
«مىسال كەلتىرەيىن. ماسەلەن، «جەتىسۋ-360» جوباسى بويىنشا ايماقتىڭ تۋريستىك باعدارىنا ورناتىلعان ناۆيگاتسيالى ارنايى 255 QR كورسەتۋشىسى پەن وبلىستىڭ مۋزەيلەرىنە ارنالعان 3D- تۋر بار. كەز كەلگەن گادجەت ارقىلى zhetysu360.kz سىلتەمەسىنە ءوتىپ، ءسىز ۇيدەن شىقپاي- اق ۆيرتۋالدى ساپارعا شىعا الاسىز»، - دەدى وبلىس اكىمى.
اماندىق باتالوۆ باعدارلامانى جۇزەگە اسىرۋعا ايماقتىڭ جاستارى بەلسەندى قاتىسىپ جاتقانىن اتاپ ءوتتى.
«س. دەميرەل اتىنداعى ۋنيۆەرسيتەتتىڭ ستۋدەنتتەرى iOs جانە Android ءۇشىن ءۇش تىلدە «جەتىسۋدىڭ كيەلى ورىندارى» اتتى موبيلدىك قوسىمشا جاساپ شىعاردى»، - دەيدى اكىم.
بۇدان باسقا اماندىق باتالوۆتىڭ ايتۋىنشا، وبلىستا «جەتىسۋ گەوگرافيالىق بىرلەستىگى» قۇرىلعان. ول بىرلەستىك جەتىسۋدىڭ سكرەتچ كارتاسىن جاساپ شىعارعان.