قاراعاندى وبلىسىندا العاش رەت تورتەم دۇنيەگە كەلدى

قاراعاندى. قازاقپارات - قاراعاندىدا وبلىستىق پەريناتالدىق ورتالىقتاردىڭ بىرىندە تورتەم دۇنيەگە كەلدى، دەپ حابارلايدى قازاقپارات ءتىلشىسى.

«رەگينا گورح پەريناتالدىق ورتالىققا اۋىر اكۋشەرلىك پاتولوگيامەن جۇكتىلىگىنىڭ 28 اپتالىعىندا جەتكىزىلدى. ءبىزدىڭ اكۋشەر-گينەكولوگتاردىڭ بىلىكتىلىگىنىڭ ارقاسىندا بالالاردىڭ وكپەسى جەتىلۋى ءۇشىن جۇكتىلىگىن 31 اپتاعا دەيىن ۇزارتتىق»، - دەدى قاراعاندى وبلىستىق پەريناتالدىق ورتالىعىنىڭ ديرەكتورى ساۋلە امانبەكوۆا.

بيىل 4 -ساۋىردە ول كەسار تىلىگىمەن ءۇش ۇل مەن ءبىر قىزدى دۇنيەگە اكەلدى. بالالار شالا تۋىلعاندىقتان، ولاردىڭ سالماقتارى 1095 گرامم، 1745 گرامم، 1890 گرامم جانە 1760 گرامم بولعان.

 

«اناسى مەن بالالار ءبىر اي بويى ينتەنسيۆتى تەراپيا بولىمىندە جاتتى. ولاردىڭ ءومىرى ءۇشىن دارىگەرلەر مەن مەدبيكەلەر كۇرەستى. ەگىزدەردىڭ اكەسى دە كۇنى-ءتۇنى قاستارىندا بولدى»، - دەدى ساۋلە امانبەكوۆا.

قازىرگى تاڭدا بالالار جەتىلىپ، سالماق قوسقان. ءوز كەزەگىندە، اتا-اناسى سابيلەرگە مىناداي ەسىمدەر بەردى - ەمما، ۆيلگەلم، يوگانن جانە گوتتليب.

«بىزدە ەگىزدەر، ۇشەمدەر ءجيى دۇنيەگە كەلەدى. ءبىراق، تورتەمدەر العاش رەت تۋىلدى»، - دەپ اتاپ ءوتتى وبلىس ورتالىعىنان.