دانيار ەلەۋسىنوۆتىڭ جەكپە-جەگىن «حابار» تىكەلەي ەفيردەن كورسەتەدى
ونىڭ قارسىلاسى ازىرگە بەلگىسىز. بۇل تۋرالى قازاقپارات تەلەارنانىڭ باسپا ءسوز قىزمەتىنە سىلتەمە جاساپ حابارلايدى.
«حابار» تەلەارناسى بۇل كەزدەسۋدى 6 -ماۋسىمنان 7 -ماۋسىمعا قاراعان ءتۇنى ساعات 01.55-تە تىكەلەي ەفيردەن كورسەتەدى.
ازىرگە قازاقستاندىق بوكسشىنىڭ قارسىلاسى بەلگىسىز. قازىرگى تاڭدا دانيار فلوريداداعى جاتتىعۋ الاڭىندا ءوزىنىڭ جەكە باپكەرى دجون-دەۆيد دجەكسوننىڭ جەتەكشىلىگىمەن دايىندالىپ جاتىر. سونداي-اق، تاياۋ ۋاقىتتا دانياردىڭ جاتتىعۋ الاڭىنا اكەسى، جاتتىقتىرۋشى مارات ەلەۋسىنوۆ پەن اعاسى، ورتا سالماقتا ونەر كورسەتەتىن، كاسىبي بوكسەر داۋرەن ەلەۋسىنوۆ تە قوسىلادى.
«فلوريدادا جاتتىعىپ، دجون-دەۆيدتەن ساباق الۋ كەرەمەت. مەن كۇن سايىن جاقسى كاسىبي بوكسشى بولۋىما كومەكتەسەتىن جاڭا دۇنيەلەردى ۇيرەنىپ جاتىرمىن. 6 -ماۋسىمداعى جەكپە- جەگىمدى اسىعا كۇتىپ ءجۇرمىن» - دەپ وي ءبولىسىتى دانيار ەلەۋسىنوۆ.
«اۋەسقوي بوكستا ەڭ باستىسى - بال جيناۋ، ءبىراق مەن بۇل كەزدەسۋ بارىسىندا دانياردىڭ جيناقى، قاتال، قارسىلاسىنا سوققىلارىن بارىنشا ءدوپ تيگىزۋدى ويلاعانىن قالايمىن» - دەيدى دجون-دەۆيد دجەكسون.
دانيار كەزدەسۋىن جارتىلاي اۋىر سالماقتاعى WBA Continental جانە بريتاندىق سەرىكتەستىكتىڭ چەمپيونى بەلبەۋىنە تالاساتىن لوۋرەنس وكولي مەن ليۋك ۋوتكين اراسىنداعى جەكپە-جەكتىڭ الدىندا وتكىزەدى.