شەتەلدەگى قازاق دياسپوراسى وكىلدەرى ءۇشىن ستيپەنديالىق باعدارلاما ازىرلەنەدى

None
None
استانا. قازاقپارات - ق ر ادىلەت مينيسترلىگى شەتەلدە تۇراتىن ەتنيكالىق قازاقتارعا قولداۋ ءبىلدىرۋ بويىنشا 2018-2022 -جىلدارعا ارنالعان شارالار جوسپارىن جاريالادى، دەپ حابارلايدى قازاقپارات ءتىلشىسى.

بۇل جوسپار مەملەكەت باسشىسىنىڭ V بۇكىلالەمدىك قازاقتار قۇرىلتايىندا بەرگەن تاپسىرمالارىن جۇزەگە اسىرۋعا سەپتىگىن تيگىزبەك.

اتالعان قۇجات قازاقستان رەسپۋبليكاسىنىڭ ۇكىمەتىنىڭ قاۋلىسىمەن بەكىتىلگەن.

جوسپار باعىتتارىنىڭ ءبىرى - شەتەلدەگى ەتنيكالىق قازاقتارعا ارنالعان وقۋ-ادىستەمەلىك قۇرالدى ازىرلەۋ جانە شىعارۋ، ولاردى ينتەرنەت-رەسۋرستارعا ورنالاستىرۋ جانە وزگە مەملەكەتتەردە ورنالاسقان قازاق مادەني ورتالىقتارىن ادەبي گۋمانيتارلىق باعىت بويىنشا قامتاماسىز ەتۋ.

ودان بولەك، قازاق دياسپوراسى وكىلدەرىنىڭ قازاقستان وقۋ ورىندارىندا ءبىلىم الۋى ءۇشىن ستيپەنديالىق باعدارلاما ازىرلەنەدى.

جوسپار شارالارىنىڭ تولىق تىزىمىمەن ق ر ادىلەت مينيسترلىگىنىڭ سايتىندا تانىسۋعا بولادى.

سوڭعى جاڭالىقتار