تاعى ءبىر گولليۆۋد جۇلدىزىنىڭ باسى داۋعا قالدى

None
None
 استانا. قازاقپارات - بەيسەنبى كۇنى امەريكالىق كينواكتەر، «وسكار» يەگەرى مورگان فريمەن مالىمدەمە جاريالاپ، ءوزىنىڭ ارەكەتى سالدارىنان ىڭعايسىز سەزىمدە بولعان ادامداردىڭ بارىنەن كەشىرىم سۇرادى دەپ حابارلايدى BBC News.

سەگىز ايەل CNN تەلەارناسىنا بەرگەن سۇحباتىندا وزدەرىن فريمەن تاراپىنان جاسالعان نامىسقا تيەتىن ارەكەتتەردىڭ قۇربانى دەپ جاريالادى. ولاردىڭ سوزىنە قاراعاندا مۇنداي وقيعالار اكتەر قاتىسقان فيلمدەردى ءتۇسىرۋ جانە جارنامالىق تۋرنە كەزىندە بولعان.

81 جاسقا تولعالى وتىرعان مورگان فريمەننىڭ اسسيستەنتى 2017 -جىلى پروكاتقا شىققان «ادەمى كەتۋ» كومەدياسىن ءتۇسىرۋ كەزىندە اكتەر وزىنە بىرنەشە اي بويى تيىسكەنىن ءمالىم ەتتى. سوزىنە قاراعاندا، فريمەن ونىڭ يۋبكاسىنان تارتقان جانە ىشكيىم كيدىڭ بە دەپ سۇراعان.

تاعى ءبىر ايەلدىڭ ايتۋىنشا، 2013 -جىلى «الداۋ يلليۋزياسى» فيلمىن تۇسىرۋگە قاتىسقان ادامداردىڭ ءبارى مىنا نارسەنى تۇسىنگەن: ەگەر مورگان فريمەنگە جاقىن جۇرسەڭ، ايەلدەر كەۋدەسى اشىق بلۋزكا نەمەسە دەنەگە جابىسىپ تۇراتىن يۋبكا كيمەگەن دۇرىس.

ونىڭ وسىنداي قىلىقتارىن كورگەن اكتەر الان اركين ودان مۇنى توقتاتۋدى تالاپ ەتكەن. فريمەنگە بۇل تىم جايسىز اسەر ەتىپ، ەشتەڭە ايتا الماي قالعان.

«مەنى تانيتىن نەمەسە مەنىمەن بىرگە جۇمىس ىستەگەن ادامداردىڭ ءبارى بىلەدى: مەن جۇرتتىڭ ادەيىلەپ نامىسىنا تيەتىن، ءيا بولماسا سانالى تۇردە ءوزىن ىڭعايسىز سەزىنۋگە ماجبۇرلەيتىن ادام ەمەسپىن» دەلىنگەن فريمەن تاراتقان مالىمدەمەدە.

بۇدان بۇرىن گوللۋۆيدتىڭ اتاقتى پروديۋسەرى حارۆي ۆاينشتەين، الەمگە تانىمال اكتەر كيەۆين سپەيسي ادامدارعا سەكسۋالدىق تۇرعىدا تيىسكەنى ءۇشىن ايىپتالعان بولاتىن. ۆاينشتەينگە قاتىستى وقيعالار جاريا ەتىلگەن سوڭ اكتيۆيستەر مۇنداي ارەكەتكە قارسى باعىتتالعان جانە ولاردى اشكەرەلەۋدى ماقسات ەتەتىن #MeToo («مەن دە» نەمەسە «ماعان دا» ) اكسياسىن باستادى.

 

Baq.kz

سوڭعى جاڭالىقتار