وزبەكستان بانان وسىرە باستادى

 استانا. قازاقپارات - وزبەكستاندا بانان وسىرەتىن جىلىجاي اشىلدى. وسى جىلىجايدان العاشىندا 300 توننا جەمىس الىنباق، دەپ حابارلايدى Baq.kz اقپارات اگەنتتىگى وزبەكستان باسىلىمدارىنا سىلتەمە جاساپ.

Сa-news اقپارات اگەنتتىگىنىڭ حابارلاۋىنشا، وزبەكستان پرەزيدەنتى شاۆكات ميرزيەيەۆ انديجان وبلىسىنا ساپارى بارىسىندا بانان مەن قىزاناق وسىرەتىن جىلىجايلاردىڭ اشىلۋ بارىسىمەن تانىستى. جىلىجايدىڭ جالپى اۋماعى - ەكى گەكتار.

ءبىرىنشى ماۋسىمدا 250-300 توننا بانان الىنادى دەپ جوسپارلانىپ وتىر. ال اۋماعى ءبىر گەكتار بولاتىن جىلىجايدا وسىرىلەتىن قىزاناقتار كورشى ەلدەرگە ەكسپورتتالاتىن بولادى. كاسىپكەرلىكتە تۇراقتى 30 جۇمىس ورنى بار.