استاناداعى حالىقارالىق قارۋ-جاراق كورمەسى حالىق ءۇشىن اشىق

None
None
استانا. قازاقپارات - بۇگىننەن باستاپ V حالىقارالىق «KADEX-2018» قارۋ-جاراق پەن اسكەري تەحنيكا كورمەسى بارلىق كەلۋشىلەر ءۇشىن اشىق بولادى.

ەكى كۇن بويى حالىق كورمەنى ارالاپ، 30 عا جۋىق ەلدىڭ اسكەري تەحنيكالارىمەن تانىسا الادى، دەپ حابارلايدى قازاقپارات ءتىلشىسى.

ايتا كەتكەن ءجون، «KADEX-2018» كورمەسى ەكى بۇرىن اشىلدى. سالتاناتتى شاراعا ق ر پرەزيدەنتى نۇرسۇلتان نازاربايەۆ تا قاتىستى. وسى ۋاقىتقا دەيىن كورمە ايماعىندا بىرنەشە حالىقارالىق شارا ءوتتى. سونىڭ ىشىندە عارىش، كيبەرقاۋىپسىزدىك جانە تاعى باسقا ماسەلەلەرگە ارنالعان جيىندار بار. ال رەسمي دەلەگاتسيالار ءوزارا كەلىسسوزدەر جۇرگىزىپ، ءبىرقاتار كەلىسىمدەردى راسىمدەدى.

ماسەلەن، «قازاقستان ينجينيرينگ» حولدينگى مەن تۇركيانىڭ «وتوكار» كومپانياسى سەرىكتەستىك تۋرالى مەموراندۋمعا قول قويدى. سونىڭ نەگىزىندە ەكى كومپانيا قازاقستان اۋماعىندا بروندى ماشينالاردى بىرلەسىپ قۇراستىراتىن بولادى.

«KADEX-2018» كورمەسى 26 -مامىرعا دەيىن جالعاسادى. وعان رەسەي، بەلارۋس، قىرعىزستان، ارمەنيا، تۇركيا، يوردانيا، ازەربايجان، يزرايل، يتاليا سىندى 40-تان استام ەلدەردىڭ وكىلدەرى قاتىسۋدا. سونداي-اق، بەلارۋس، بەلگيا، بولگاريا، برازيليا، گەرمانيا، يزرايل، ءۇندىستان، يسپانيا، يتاليا، ق ح ر، نيدەرلاندى، ر ف، ا ق ش، سەربيا سياقتى الەمنىڭ 28 ەلىنىڭ 318 كاسىپورىنى ءوز ونىمدەرىن ۇسىنىپ وتىر. بۇعان دەيىن قازاقپارات ءتىلشىسى قىتاي حالىق رەسپۋبليكاسىنىڭ پاۆيلونىندا بولىپ قايتتى. سونداي-اق، تۇركيانىڭ اسكەري تەحنيكاسىمەن تانىستى.
رەسمي مالىمەتكە سايكەس، «KADEX-2018» كورمەسىنە №12-، №51- جانە №100- باعىتىنداعى اۆتوبۋستارمەن بارۋعا بولادى.

سوڭعى جاڭالىقتار