قۇرمانعازى اۋدانىندا كۇي مەرەكەسى كەڭىنەن اتاپ ءوتىلدى - اتىراۋ وبلىسى
بايقاۋدا ەلىمىزدىڭ باتىس ايماعىنان 6 ۇمىتكەر باق سىناستى. اتاپ ايتقاندا، ماڭعىستاۋ، باتىس قازاقستان وبلىستارىنان، اتىراۋ قالاسىنان، ماحامبەت، قىزىلقوعا، قۇرمانعازى اۋداندارىنان ارنايى كەلگەن جاستار ءوز ونەرلەرىن ورتاعا سالدى.
«اۋدانىمىزدىڭ 90 جىلدىق مەرەيتويىنا وراي جاساقتالعان ءىس-شارالاردىڭ نەگىزىندە حالىقارالىق دومبىراشىلار بايقاۋىن وتكىزۋدى جوسپارلاعان بولاتىنبىز. وعان قاتىسۋعا نيەت بىلدىرگەندەردىڭ سانى كوپ بولدى. ءبىراق ءتۇرلى سەبەپتەرگە بايلانىستى ءبىزدىڭ ورتامىزدان تابىلماي وتىر. دەگەنمەن، ءبىز سانعا ەمەس، ساپاعا ءمان بەرۋگە جۇگىنەمىز. ۇمىتكەرلەرگە ۇلى بابامىزدىڭ رۋحى جەلەپ-جەبەپ، شابىت بەرسىن. بۇگىنگى باستاۋ العان كۇي مەرەكەسى قۇتتى بولسىن»، - دەدى اۋدان اكىمىنىڭ ورىنباسارى وركەن تاجىبايەۆ.
ەكى كۇنگە سوزىلعان ونەر باسەكەسىندە اۋدان اكىمىنىڭ ورىنباسارى ءو. تاجىبايەۆ بارلىق قاتىسۋشىلاردى اۋدان اكىمىنىڭ العىس حاتىمەن ماراپاتتاپ، «قۇرمانعازى» اتىنداعى ارنايى جۇلدەنى جوعارى دارەجەدە ونەر كورسەتكەنى ءۇشىن اتىراۋلىق اسىلحان جولامانوۆقا تاپسىردى.
ءۇشىنشى دارەجەلى لاۋرەات اتاعى ماڭعىستاۋلىق ماعجان اسەمبايەۆقا بەرىلسە، ەكىنشى ورىندى باتىس قازاقستان وبلىسىنان كەلگەن ازامات قاليەۆ پەن ماحامبەت اۋدانىنان قاتىسقان ايبولات ءىزجانوۆ ەنشىلەدى. جۇلدەلى ءبىرىنشى ورىن اتىراۋلىق اسىلحان جولامانوۆقا بۇيىردى. قازىلار القاسىنىڭ ءتوراعاسى وراق جاۋىر ۇلى بايقاۋدىڭ باس جۇلدەسىن، قۇرمانعازىلىق بولات دولداشەۆقا تاپسىردى. وعان ەستەلىك سىيلىق رەتىندە ارنايى قارا اعاشتان ويىلىپ جاسالعان، اعاش شەبەرى جۇماليەۆ تالعاتتىڭ قولىنان شىققان ونەر تۋىندىسى تابىستالدى.
