استانادا كوشى-قون زاڭىن بۇزعان مىڭنان استام شەتەلدىك ميگرانت انىقتالدى

استانا. قازاقپارات - باس قالادا «قۇقىقتىق ءتارتىپ» جەدەل-الدىن الۋ ءىس-شاراسى جالعاسۋدا، دەپ حابارلايدى استانا قالاسى اكىمدىگىنىڭ رەسمي سايتى ءى ءى د-نىڭ باسپا ءسوز قىزمەتىنە سىلتەمە جاساپ.

استانا قالاسىنىڭ 20 جىلدىعىن مەرەكەلەۋ قارساڭىندا قاۋىپسىزدىك دەڭگەيىن كوتەرۋ جانە قۇقىقتىق ءتارتىپتى قامتاماسىز ەتۋ، سونداي- اق ەلورداداعى كريمينوگەندىك احۋالدى ساۋىقتىرۋ ماقساتىندا قالا اۋماعىندا 21-31 -مامىر ارالىعىندا «قۇقىقتىق ءتارتىپ» جەدەل-الدىن الۋ ءىس- شاراسى وتكىزىلۋدە.

جەدەل الدىن الۋ شاراسىنىڭ ەكى كۇنىندە كوشى-قون زاڭناماسىن بۇزعان 1033 ميگرانت انىقتالدى. ولاردىڭ 828 ى - وزبەكستان، 51 ى - قىرعىزستان، 71 ى - تاجىكستان، 29 ى - ءازىربايجان، 18 ى - رەسەي، 9 ى - ق ح ر، 14 ى - ارمەنيا، 1 ى - بەلارۋس، 6 ى - گرۋزيا، 5 ى - تۇركيا ازاماتى.

سونىمەن قاتار، قازاقستان رەسپۋبليكاسىندا بولۋ ءتارتىبىن بۇزعانى ءۇشىن 926 شەتەل ازاماتى جاۋاپقا تارتىلدى. شارا بارىسىندا ءارتۇرلى باپتار بويىنشا اكىمشىلىك جاۋاپكەرشىلىككە 3202 تۇلعا، ولاردىڭ ىشىندە قازاقستان رەسپۋبليكاسىندا بولۋ ءتارتىبىن بۇزعانى ءۇشىن 926 شەتەل ازاماتى جاۋاپقا تارتىلدى.

استانا قالاسىنىڭ ىشكى ىستەر دەپارتامەنتىنىڭ قابىلداعىش- تاراتقىشتارىنا 110 تۇلعا، ونىڭ ىشىندە 109 شەتەل ازاماتتارى ورنالاستىرىلدى.

ۋاقىتشا تىركەۋسىز جۇرگەن قازاقستان رەسپۋبليكاسىنىڭ 204 ازاماتى انىقتالىپ، تۇرعىلىقتى جەرى بويىنشا ازاماتتاردى زاڭسىز تىركەگەنى ءۇشىن 56 ادام جاۋاپ تارتىلدى.

شەتەلدىك جۇمىس كۇشىن زاڭسىز پايدالانعانى ءۇشىن قازاقستان رەسپۋبليكسىنىڭ 22 ازاماتى جاۋاپقا تارتىلدى. قيىن جاعدايعا ۇشىراعان ادامداردى الەۋمەتتىك قالپىنا كەلتىرۋ ورتالىعىنا 35 ادام ورنالاستىرىلدى.

تىيىم سالىنعان زاتتاردى زاڭسىز ساقتاعان نەمەسە ۇستاعانى ءۇشىن 6 تۇلعا ۇستالدى. 284 قارۋ يەسى تەكسەرىلىپ، ونىڭ ىشىندە 19 ادامنىڭ قارۋ ساقتاۋ قۇقىعىن بۇزعانى انىقتالدى، 19 بىرلىك قارۋ الىندى.

وسى جىلدىڭ 21-24 -مامىرى ارالىعىندا 144 قىلمىس تىركەلىپ، ونىڭ ىشىندە 38 ى اشىلدى. ىزدەۋدە جۇرگەن 16 تۇلعا ۇستالدى. استانا قالاسىنىڭ مەملەكەتتىك كىرىستەر دەپارتامەنتىندە 400 دەن استام شەتەل ازاماتى سالىق تولەۋشى رەتىندە تىركەلگەن.