سامالعا شەتەلدىك رەجيسسەرلەردەن كوپتەگەن ۇسىنىستار ءتۇسىپ جاتىر - سەرگەي دۆورسەۆوي

None
None
شىمكەنت. قازاقپارات -71- حالىقارالىق كانن كينوفەستيۆالىندە «ۇزدىك ايەل ءرولى» اتالىمىندا جۇلدەلى ورىننان كورىنگەن «ايكا» فيلمىنىڭ رەجيسسەرى سەرگەي دۆورسەۆوي بۇگىن تۋعان جەرى شىمكەنتكە كەلىپ، باسپا ءسوز ءماسليحاتىن وتكىزدى.

 جەرگىلىكتى ب ا ق وكىلدەرىنە سۇحبات بەرگەن كينورەجيسسەر فرانسيادا وتكەن كينوفەستيۆالدە «ۇزدىك ايەل ءرولى» اتالىمىندا جۇلدەگەر اتانعان قازاق قىزى سامال ەسلياموۆا جايىندا ايتىپ، الداعى جوسپارلارىمەن ءبولىستى، دەپ حابارلايدى قازاقپارات ءتىلشىسى.

رەسەيلىك كينورەجيسسەردىڭ سوزىنشە، 6 كۇندىك ءومىردى بەينەلەيتىن «ايكا» فيلمى التى جىل كولەمىندە تۇسىرىلگەن.

 Ð¡Ð°Ð¼Ð°Ð»Ò

«نەگە ۇزاق ءتۇسىرىلدى دەپ سۇراساڭىزدار، ايتايىن. كينو بۇل ەڭ الدىمەن ونەر. مۇنداي فيلمدەر تەز ارادا تۇسىرىلمەيدى. ونىڭ ءتۇسىرىلىمى، وقيعا جەلىسى، اسىرەسە ايەلدىڭ جۇكتىلىگى مەن ءۇشىن وتە اۋىر بولدى. سونىمەن قاتار فيلم باستاپقىدا قىستا، قار جاۋىپ تۇرعان كەزدە ءتۇسىرىلدى. ال، ماسكەۋدە وسى جىلى عانا قار كوپ جاۋدى. الدىڭعى ەكى جىلدا قار تىپتەن از بولدى. ءبىز قار ىزدەپ مۋرمانسك قالاسىنا دا باردىق. ءبىراق ءبارى ءساتسىز بولىپ، سول قاردى ماسكەۋدە كۇتۋگە تۋرا كەلدى. مەن مۇنداي فيلمدەر تۇسىرگەندە ۋاقىتقا ەمەس، ناتيجەسى بولعانىنا كوڭىل بولەمىن»، - دەيدى كينورەجيسسەر.

ول سونداي- اق اتالعان كوركەم فيلمنىڭ وزگە تۋىندىلاردان ايىرماشىلىعى وزەكتىلىگىندە دەپ بىلەدى. سەبەبى، «ايكا» فيلمىنىڭ وقيعا جەلىسىندە قازىرگى زامانداعى ءبىرقاتار الەۋمەتتىك ماسەلەلەر كوتەرىلگەن.

 «ماسەلەن، ماسكەۋدە ميگرانتتار پروبلەماسى بىرنەشە جىلدان بەرى وزەكتى سانالادى. ول تەك رەسەيدە عانا ەمەس، بارلىق دامىعان مەملەكەتتەردە بار جايت. بارلىعىن تولعاندىرادى. بىرەۋ جاقسى ءومىر سۇرگىسى كەلسە، ەكىنشى ادام ونى قابىلدامايدى. سودان كوپ قيىنشىلىقتارعا تاپ بولادى. مەن وسى فيلمدى تۇسىرەر الدىن ءبىر مالىمەت وقىدىم. ماسكەۋدە ءبىر جىلدا 250-دەي ايەل بوسانىپ، نارەستەلەرىنەن باس تارتقان. سابيلەرىن پەرزەنتحاناداردا قالدىرىپ كەتكەن. بۇل ءجايت ماعان قاتتى اسەر ەتتى. نەگە دەسەڭىز، مەن وسى شىمكەنتتە تۋىپ- ءوستىم، ازيالىق ايەلدەردىڭ بالاسىنان باس تارتۋى مەن ءۇشىن دە جات نارسە. مەن سودان كەيىن بۇل ماسەلەنىڭ سەبەبىنە ءۇڭىلىپ، زەرتتەپ كوردىم، نە سەبەپتى باس تارتادى دەپ. ءومىر بولعان سوڭ ءارتۇرلى جاعداي بولادى عوي. بىرەۋ ۇزاق ۋاقىت جۇمىس ىستەپ ءجۇرىپ تانىسادى، وتباسىن قۇرادى. ال، ەندى بىرەۋلەر جۇكتى بولىپ قالىپ، ءسابيىن ەلىنە الىپ قايتۋعا قورقادى. ۇيالاتىندار بار. ءۇشىنشى جاعدايدا الىپ شاھاردا نارەستەمەن ءومىر ءسۇرۋ وتە قيىن. بۇل فيلمدە ايەل بوسانىپ، ءوزىنىڭ بالاسىن قايتارۋعا ىنتىق بولادى. سوڭعى ەپيزودتا ول بالاسىن ەمىزەدى»، - دەيدى سەرگەي دۆورسەۆوي.

СамалÒ

 رەجيسسەر كينونىڭ مۇنداي دارەجەگە جەتۋىنە ءبىرىنشى كەزەكتە تالانتتى اكتريسا سامال ەسلياموۆانىڭ كوپ ەڭبەگىنىڭ ارقاسى دەپ بىلەدى. كانن كينوفەستيۆالىندە «ۇزدىك ايەل ءرولى» اتالىمىندا جۇلدەگەر اتانعانىن ەستىگەندە، كوزىنە جاس العانىن دا جاسىرمادى. سەرگەي دۆورتسيەۆويدىڭ ايتۋىنشا، سامال بۇل ونەر سالاسىنداعى جاۋھار دەپ ايتۋعا بولادى. ونىڭ ءاربىر ىسكە جاۋاپتىلىعى مەن مىنەز- قۇلقى، اكتەرلىك شەبەرلىگى «ۇزدىك اكتريسا» اتانۋىنا ابدەن لايىق.

«بارلىق اكتەرلەر شەبەرلىكتى وقىپ، ۇيرەنەدى. دەگەنمەن سامال اكتەرلىك تەحنيكانى شەبەر مەڭگەرگەن. ول ماسكەۋدەگى رەسەي تەاتر ونەرى ينستيتۋتىن (گ ي ت ي س) ءتامامداعان. ەۆگەني كامەنكوۆيچتەن ءدارىس الىپ، شەبەرلىگى شىڭدالعان. ول ءجاي عانا ءرولدى سومداي بەرمەيدى. سول كەيىپكەردىڭ تاعدىرىن ءوزى ارقىلى وتكىزىپ، ءرولىن تازا ورىنداپ شىعا الادى. ماسەلەن، كينو ۇلكەن ميكروسكوپ سياقتى. ول بەتىندەگى ەموتسيانى عانا كورسەتىپ قانا قويماي، اجىمدەرىڭدى، كوزدىڭ نۇرىن ءبارىن كورسەتەدى. تەاتردان ايىرماشىلىعى دا سول. سامال كينوعا ابدەن بەيىمدەلگەن حالىقارالىق دارەجەدەگى، سيرەك كەزدەسەتىن اكتريسا دەپ ايتار ەدىم. وسى فيلم تۇسىرىلگەن التى جىلدىڭ ىشىندە سامال ەش وزگەرمەدى. مۇمكىن سونداي جاس شاماسى شىعار. قازىردىڭ وزىندە وعان شەتەلدىك رەجيسسەرلەردەن ۇسىنىستار ءتۇسىپ جاتىر. جۋىردا دات ەلىنىڭ رەجيسسەرى توماس ۆيتتەنبەرگتەن شاقىرتۋ الدى. الداعى ۋاقىتتا اعىلشىن ءتىلىن جاقسى مەڭگەرىپ السا، ونداي ۇسىنىستار كوبەيەدى دەگەن ويدامىن»، - دەيدى كينورەجيسسەر.

 شىمكەنتتىڭ تۋماسى سونىمەن قاتار كانن فەستيۆالىندە سامالمەن بىرگە 20 شاقتى كينوفيلمگە تۇسكەن اكتريسالار باسەكەلەس بولعانىن ايتادى. باسىم كوپشىلىگى الەمدىك دارەجەدە تانىمال رەجيسسەرلەر تۇسىرگەن فيلمدەر بولعان. قازىلار القاسى باستاپقىدا پولشانىڭ پاۆەل پاۆلەكوۆسكي دەگەن رەجيسسەر تۇسىرگەن فيلمنىڭ اكتريساسى ۇزدىك بولادى دەپ بولجاپتى.

 «ءبىز كينو تۋىندىمىزدى قازىلار القاسىنا ەڭ سوڭعى بولىپ ۇسىندىق. سەبەبى ودان ەرتە ۇلگەرمەدىك. قوسىمشا ۋاقىت الىپ ءجۇرىپ، بىتىردىك ايتەۋىر. «ايكا» فيلمىن كورگەننەن كەيىن قازىلار القاسىنىڭ پىكىرى بىردەن وزگەردى. ءتىپتى كونكۋرستا كينو كورسەتىلگەننەن كەيىن كينوزالدان ءبارى شىعىپ بارا جاتقاندا سامالدى ءبىر ايەل قۇشاقتاپ، ەكى مينۋتتاي  تۇردى. ءبىز ول ايەلدىڭ كانن فەستيۆالىنىڭ قازىلار القاسىنىڭ ءتورايىمى كەيت بلانشەتت ەكەنىن كەيىن بىلدىك. گولليۆۋد جۇلدىزى، «وسكار» سىيلىعىنىڭ لاۋرەاتى كەيت ماعان كەيىن جولىعىپ، ءوزى ايتتى. قازىلار القاسى باستاپقىدا پولشا اكتريساسىن تاڭداپ، كەيىن بارلىعى سامالدى ءبىراۋىزدان قولداعان»، - دەيدى سەرگەي دۆورسەۆوي.

رەجيسسەر سونداي- اق ازىرگە قازاقستاندا قانداي دا ءبىر كينو ءتۇسىرۋدى جوسپارلاماعانىن ايتادى. دەسە دە ەلىمىزدىڭ مادەنيەت جانە سپورت مينيسترلىگىنەن ۇسىنىس تۇسكەنىن اتاپ ءوتتى. ال، ونىڭ «ايكا» جانە «تيۋلپانى» اتتى قوس فيلمى ەندى قازاقستاندا كۇز ايلارىندا جاپپاي كورسەتىلەتىن بولادى. ەكەۋىندە دە قازاق اكتريساسى سامال ەسلياموۆا انالاردىڭ ءرولىن سومداعان.

اۆتور: اينۇر اقبايەۆا

سوڭعى جاڭالىقتار