تۇركيا ساربازدارى اۋىر اسكەري تەحنيكانى قازاقستانعا قالاي اكەلگەنىن ايتتى
« Airbus A400M- نىڭ سالماعى - 37 توننا. سوسىن ءبىز ارتقى جاعىنا جويعىش ۇشاقتاردىڭ وق- دارىلەرى مەن قوسالقى بولشەكتەرىن سالدىق. تۇركيادان قازاقستانعا دەيىن بەس ساعات ۇشتىق. ال F-16 جويعىش ۇشاقتارى ەكى جاعىمىزدا ۇشىپ كەلدى. جول- جونەكەي جانار- جاعارمايدى دا قۇيدىق. باسقا جەرگە قونعان جوقپىز. سەبەبى F-16جويعىش ۇشاقتارىنا جانار- جاعارمايدى اسپاندا قۇيا بەرۋگە بولادى»، - دەيدى Airbus ۇشقىشتارى.
تۇركيا پاۆيلونىندا دا اسكەري تەحنيكا بار. اتاپ ايتقاندا، بروندى تەحنيكا جانە تاعى باسقا ماشينالاردى كورۋگە بولادى. پاۆيلون وكىلدەرىنىڭ ايتۋىنشا، ءاربىر كومپانيا اسكەري تەحنيكانى ءوز كۇشىمەن الىپ كەلدى.
پاۆيلوننىڭ جالپى اۋدانى - 1620 شارشى مەتر. وندا تۇركيانىڭ 21 كومپانياسى ورنالاستى.
تۇرىك كومپانيالارىنىڭ ىشىندە اسكەري كەمەلەردى جاسايتىن كاسىپورىندار كوپ. ولار كەمەلەردىڭ سان الۋان ۇلگىسىن ۇسىنىپ وتىر. بۇدان بولەك، تىكۇشاقتاردىڭ ماكەتتەرى دە بار. ال كىرەبەرىستە Cobra II مەن Ural-دى كورۋگە بولادى.
اۆتور: ارمان اسقاروۆ
