شەتەلدىك كومپانيالارعا قازاقستاننىڭ ۇزدىك اسكەري تەحنيكالارى تانىستىرىلدى

None
None
استانا. قازاقپارات - KADEX-2018 بەسىنشى حالىقارالىق كورمەسى اياسىندا ءوتىپ جاتقان «ADVANCED DEF TECH»  عىلىمي- پراكتيكالىق كونفەرەنتسياسىندا «قازاقستان ينجينيرينگ» ا ق باسشىسى اسەت قۇرمانعاليەۆ قورعانىس- وندىرىستىك كەشەنى (ق ءو ك) سالاسىنداعى شەتەلدىك ماماندارعا قازاقستاننىڭ ۇزدىك اسكەري تەحنيكالارىن تانىستىردى، دەپ حابارلايدى قازاقپارات ءتىلشىسى.

 «بيىلعى «KADEX-2018» حالىقارالىق كورمەسى «قازاقستان ينجينيرينگ» ا ق- نىڭ 15  جىلدىعىمەن تۇسپا- تۇس كەلىپ وتىر. «قازاقستان ينجينيرينگ» كومپانياسى ءۇشىن كورمە ماڭىزدى وقيعا بولىپ تابىلادى. ءدال وسى جەردە ءبىز بارلىق الەۋەتتەرىمىزدى تانىستىرىپ، ءوز جۇمىسىمىزدى كورسەتە الامىز. الەۋەتتى سەرىكتەستەرمەن كەزدەسىپ، ق ءو ك سالاسىنداعى جاڭاشىلدىقتاردى بايقايمىز»، - دەدى ول.

اسەت قۇرمانعاليەۆ جيىندا كومپانيانىڭ جۇمىسى تۋرالى كەڭىرەك ايتىپ بەردى.



«قازاقستان ينجينيرينگ» ەلىمىزدىڭ قورعانىس- وندىرىستىك كەشەنى سالاسىنداعى حولدينگ كومپانيا بولىپ تابىلادى. ول ءبىرقاتار كولىك قۇراستىرۋ كومپانيالارىن بىرىكتىرەدى. حولدينگتىڭ كوپسالالى تەحنولوگيالىق بازاسى ءونىمدى جاساۋدان باستاپ، ىسكە قوسۋدى قامتاماسىز ەتۋگە دەيىنگى جۇمىستى جۇرگىزۋگە مۇمكىندىك بەرەدى. سونداي- اق، ءاربىر كاسىپورىننىڭ ءوز تاجىريبەسى بار. كومپانيا ءوزىنىڭ بارلىق ەنشىلەس كومپانيالارىندا ءبىرىڭعاي وندىرىستىك، تەحنولوگيالىق، قارجىلىق جانە كادرلىق ساياساتتى قامتاماسىز ەتەدى. بۇل فاكتورلار «قازاقستان ينجينيرينگتىڭ» الەۋەتى مەن كەلەشەگى بارىن دالەلدەيدى»، - دەدى ول.

ونىڭ ايتۋىنشا، قازىرگى ۋاقىتتا كومپانيانىڭ قۇرامىنا جيىرماعا تارتا تاۋەلدى كاسىپورىن ەنەدى. «KADEX-2018» حالىقارالىق كورمەسىنە كومپانياعا قاراستى تۇگەل دەرلىك كاسىپورىندار بارلىق باعىت بويىنشا قۇرلىقتاعى، اۆياتسيالىق جانە تەڭىزدەگى قارۋلاندىرۋ قاتىسۋدا.

null

«كورمەگە قاتىسۋشىلارعا ءبىزدىڭ ونىمدەر قىزىقتى بولار دەگەن ۇمىتتەمىز. ناقتىراق ايتقاندا، بروندى دوڭگەلەكتى «ارلان» ماشيناسى، ەلەكروندى- وپتيكالىق ءونىم، تەپلوۆيزورلار، اسكەري باسقارۋشى مودۋلدەر، كاتەرلەر، بايلانىسقا ارنالعان ءارتۇرلى قۇرىلعىلار كورمەگە قويىلدى. بروندى تەحنيكا، سونىڭ ىشىندە جاڭارتىلعان ت-72 تانكىسى، ب م پ-1، ب م پ-2، ب ت ر-70 تەحنيكالارى بارشىلىق. سونىمەن قاتار، بروندى تەحنيكالاردى جوندەۋ مەن جاڭارتۋ جۇمىسىمەن اينالىسامىز»، - دەدى اسەت قۇرمانعاليەۆ.

اسەت قۇرمانعاليەۆتىڭ ايتۋىنشا، مەملەكەت باسشىسىنىڭ تاپسىرماسىمەن الداعى جىلدارى قورعانىس- وندىرىستىك كەشەنى سالاسىنداعى 9 كاسىپورىندارعا جاڭعىرتۋ جۇمىستارى جۇرگىزىلەدى.

«ءسوزىمدى قورىتا كەلە «قازاقستان ينجينيرينگ» ءوزىنىڭ قورعانىس- وندىرىستىك كەشەنى سالاسىنداعى كاسىپورىندارىن ءتيىمدى پايدالانۋدى كوزدەيتىنىن اتاپ وتكىم كەلەدى. ءبىز ستراتەگيالىق سەرىكتەستەردىڭ بارىمەن بىرگە ىسكەرلىك جانە ءوزارا ءتيىمدى سەرىكتەستىككە دايىنبىز. بارلىقتارىڭىزدى ءبىزدىڭ پاۆيلونعا شاقىرامىن»، - دەپ ءتۇيدى اسەت قۇرمانعاليەۆ.

 ەسكە سالا كەتسەك، كەشە استانادا ەلباسى نۇرسۇلتان نازاربايەۆتىڭ قاتىسۋىمەن  «KADEX-2018»  بەسىنشى حالىقارالىق كورمەسى اشىلعان بولاتىن. كورمە 26- مامىرعا دەيىن جالعاسادى. كورمەگە رەسەي، بەلارۋس، قىرعىزستان، ارمەنيا، تۇركيا، يوردانيا، ازەربايجان، يزرايل، يتاليا سىندى 40-تان استام ەلدەردىڭ وكىلدەرى قاتىسۋدا. سونداي- اق، بەلارۋس، بەلگيا، بولگاريا، برازيليا، گەرمانيا، يزرايل، ءۇندىستان، يسپانيا، يتاليا، ق ح ر، نيدەرلاندى، ر ف، ا ق ش، سەربيا سياقتى الەمنىڭ 28 ەلىنىڭ 318 كاسىپورىنى ءوز ونىمدەرىن كورمەدە ۇسىنىپ وتىر. كورمەنى ۇيىمداستىرۋشى - ق ر قورعانىس جانە ايەروعارىش ونەركاسىبى مينيسترلىگى، «قازاقستان ينجينيرينگ» ۇ ك» ا ق بولىپ تابىلادى.

اۆتور: ايان بەكەن ۇلى

سوڭعى جاڭالىقتار