سولتۇستىك كورەيا ا ق ش- پەن سامميتكە قاتىسۋىن قايتا قاراستىرۋى مۇمكىن ەكەنىن ءمالىم ەتتى
بۇل تۋرالى رەنحاپ اگەنتتىگى حابارلايدى.
كورەي ورتالىق اقپارات اگەنتتىگىندە جاريالانعان مالىمدەمەدە سولتۇستىك كورەيا سىرتقى ىستەر ۆيتسە- ءمينيسترى چحۆە سون حي 12 - ماۋسىمدا بولاتىن كيم چەن ىن مەن دونالد ترامپ اراسىنداعى كەزدەسۋدىڭ قانداي دەڭگەيدە وتەتىنى ا ق ش- قا بايلانىستى ەكەنىن ءمالىم ەتتى.
«ءبىز ا ق ش- تا كەلىسسوزدەر ۇستەلىندە نە يادرولىق مايداندا جولىعامىز با، ولا ۆاشينگتوننىڭ شەشىمدەرىنە بايلانىستى. ا ق ش ءبىزدىڭ قالاۋىمىزدى ەلەمەي، زاڭسىز ءارى كوڭىلگە قونىمسىز ارەكەتتەرىن جالعاستىرا بەرەتىن بولسا، مەن ءبىزدىڭ باسشىلىققا سولتۇستىك كورەيا مەن ا ق ش اراسىنداعى ءساميتتى وتكىزۋ تۋرالى شەشىمدى قايتا قاراۋعا ۇسىنىس بىلدىرەمىن»، - دەدى چحۆە.
وڭتۇستىك كورەيا پرەزيدەنتى مۋن چجي ەن مەن دونالد ترامپ اراسىندا سەيسەنبى كۇنى ۆاشينگتوندا وتكەن كەزدەسۋدەن كەيىن پحەنيان قوقان- لوقى جاسادى. كەزدەسۋ بارىسىندا ترامپ سولتۇستىك كورەيامەن 12 - ماۋسىمعا جوسپارلانعان سامميتتىڭ وتپەي قالۋى ىقتيمال ەكەنىن ايتتى.
ۆاشينگتون پحەنياندى يادرولىق باعدارلامادان ءبىرجاقتى باس تارتۋعا ماجبۇرلەدى دەپ سولتۇستىك كورەيا ا ق ش- قا نارازىلىعىن ءبىلدىردى. سەبەبى ترامپتىڭ اكىمشىلىگى سولتۇستىك كورەيانىڭ يادرولىق باعدارلاماسىن تولىق جويۋعا ۇمتىلاتىنىن جەتكىزدى. پحەنيان ماسەلەنىڭ قادامدىق شەشىمىن قالايدى جانە تاراپتاردان شەگىنۋدى كۇتىپ وتىر.
وتكەن اپتادا سولتۇستىك كورەيا سىرتقى ىستەر ءمينيستىنىڭ ءبىرىنشى ورىنباسارى كيم گە گۆاننىڭ ايتۋىنشا، سولتۇستىك كورەيا يادرولىق ارسەنالىنان ءبىرجاقتى تارتىپتە باس تارتقىزاتىن قانداي دا ءبىر كەلىسسوزدەرگە مۇددەلى ەمەس.
سونىمەن قاتار، سىرتقى ىستەر ءمينيسترى چحۆە ا ق ش- تىڭ ۆيتسە- پرەزيدەنتى مايك پەنستى جاقىندا بەرگەن سۇحباتىندا ليۆيالىق ادىسپەن سولتۇستىك كورەيا ماسەلەسىن اسكەري تۇردە شەشۋ مۇمكىندىگى تۋرالى ايتقانى ءۇشىن سىنعا الدى. ول پحەنيانمەن كەلىسسوز جۇرگىزۋگە نيەت بىلدىرگەن ۆاشينگتوننىڭ ءدال ءوزى ەكەنىن ەسكە سالىپ، سولتۇستىك كورەيا مەن ليۆيانى سالىستىرماۋدى تالاپ ەتتى.