نوبەل سىيلىعىنىڭ يەگەرى كليماتتىڭ وزگەرۋى تۋرالى: كەدەيلەر ونسىز دا ەنەرگيانى از تۇتىنادى
«كليماتتىڭ وزگەرۋىندە ەڭ باستى پروبلەما ول - كەدەي ادامدار دامىماعان ەلدەردە عانا ەمەس، باي ەلدەردە دە بار. بارلىق ەلدە قورشاعان ورتاعا قاتىستى سىن- تەگۋرىندەردىڭ بارلىعى باي ادامدارعا ارنالعانى وكىنىشتى. نەگىزىنەن حالىقتىڭ كەدەي بولىگى جاپا شەگەدى. ب ۇ ۇ مەن ACCS نەگىزىنەن قورشاعان ورتانىڭ وزگەرۋىنە قالاي قارسى تۇرا الامىز دەگەنگە اكسەنت قويادى. بايلار قورشاعان ورتاعا پروبلەما اكەلگەن سوڭ ءدال سول ادامدار ەنەرگيانى از جۇمساپ، كليماتتىڭ وزگەرۋىنە قارسى بەيىمدەلۋ باعدارلامالارىن قارجىلاندىرۋى ءتيىس. سەبەبى ءبىز مۇنى كەدەي حالىقتان كۇتە المايمىز، سەبەبى ولار ەنەرگيانىڭ ەڭ از كولەمىن تۇتىنادى» ، - دەدى نوبەل سىيلىعىنىڭ لاۋرەاتى.
ونىڭ ايتۋىنشا، «پاريج» سامميتىنەن ا ق ش- تىڭ شىعۋى كليماتتىڭ وزگەرۋىنە قارسى شارالار ءبىر قادام ارتقا جىلجىتتى. ا ق ش سامميتتە قالعاندا قورشاعان ورتانىڭ جاعدايىن ءبىرشاما جاقسارتىپ، پارنيك گازدارىنىڭ شىعۋىن ازايتىپ، تەزىرەك العا جىلجيتىن ەدى دەيدى ول.
«وسى سالانىڭ مامانى رەتىندە ءاربىر ەنەرگيا ءتۇرىنىنىڭ ءوز پروبلەماسى بار دەپ ايتا الامىن. كومىر مەن مۇنايدىڭ دا، پارنيك گازىنىڭ دا قورشاعان ورتاعا ءوز اسەرى بار. ستاتيستيكالىق تۇرعىدان جەل ديىرمەنى مەن كۇن باتارەياسى دا جاقسى دەپ ايتا المايمىن. سوندا دا ءبىز ەكونوميكالىق، الەۋمەتتىك مۇمكىندىكتەردى نەگىزگە الا وتىرىپ بارلىق ەنەرگيا رەسۋرستارىن ەلىمىزگە بەيىمدەۋىمىز كەرەك. قازاقستان ءجايلاپ بالامالى ەنەرگيا رەسۋرستارىنا كوشىپ جاتقانى ءبىزدى قۋانتادى. كومىردەن اۋىسى ەكونوميكاسىنا قاتتى اسەر ەتۋى مۇمكىن. بۇگىندە بالامالى ەنەرگيانى قولدانۋ قىمبات بولعان سوڭ ءبارى بىردەي ونى پايدالانا المايدى. سول سەبەپتى بۇل جاعدايدى تۇسىنەمىز، ءجايلاپ بارلىق ەل بالامالى ەنەرگيا رەسۋرستارىنا كوشەدى دەپ ويلايمىن» ، - دەدى موحان مۋنانسينگحە ەۋرازيالىق مەديا فورۋمدا.
Baq.kz