قازاقستاننىڭ كيبەرقاۋىپسىزدىگى ءۇشىن قانداي قادامدار جاسالىپ جاتىر

  استانا. قازاقپارات - ق ر پرەمەر- ءمينيسترىنىڭ ورىنباسارى اسقار جۇماعاليەۆ ەلىمىزدىڭ كيبەرقاۋىپسىزدىگىن قامتاماسىز ەتۋ ءۇشىن قانداي جۇمىستار جۇرگىزىلىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«بارلىق مەملەكەتتىك ورگاندار سيفرلىق رەلسكە كوشىپ جاتقان كەزدە كيبەرقاۋىپسىزىدك جايلى ۇمىتۋعا دا بولمايدى. وسى رەتتە كيبەرقاۋىپسىزدىك - اقپاراتتىق قاۋىپسىزدىك ەڭ ماڭىزدى اسپەكتىلەرىنىڭ ءبىرى بولىپ وتىر. قاۋىپسىزدىكتى مەملەكەتتىك ورگانداردىڭ بارىمەن بىرلەسە وتىرىپ، قامتاماسىز ەتۋىمىز كەرەك» ، - دەدى ول «KADEX-2018» V حالىقارالىق كورمەسى اياسىندا ءوتىپ جاتقان اقپاراتتىق قاۋىپسىزدىك ماسەلەلەرى بويىنشا كونفەرەنتسيادا.

اسقار جۇماعاليەۆتىڭ ايتۋىنشا، «سيفرلىق قازاقستان» باعدارلاماسى ەلىمىزدە بەلسەندى تۇردە جۇزەگە اسىرىلىپ جاتىر. سونىمەن قاتار، ەكونوميكانى سيفرلىق جۇيەگە ەنگىزۋ جولىندا كيبەرقاۋىپسىزدىك ماسەلەسىن شەتكە ىسىرىپ قويۋعا بولمايدى.

«وسىعان بايلانىستى «كيبەرقالقان» اتتى ءتيىستى تۇجىرىمداما بەكىتىلدى. ءبىرقاتار شارالار لەگى ىسكە اسىرىلۋدا. ەڭ ءبىرىنشى كەزەكتە، مەن ءتيىستى ورگاننىڭ - «اقپاراتتىق قاۋىپسىزدىك بويىنشا كوميتەتتىڭ» قۇرىلعانىن اتاپ وتكىم كەلەدى. سونىمەن قاتار، اقپاراتتىق قاۋىپسىزدىكتى قامتاماسىز ەتۋدە ۇلتتىق ۇيلەستىرۋ ورتالىعى قۇرىلىپ، وعان دا ءبىرشاما مىندەتتەر جۇكتەلۋدە. سونداي- اق، اقپاراتتىق قاۋىپسىزدىكتى قامتاماسىز ەتۋ ءۇشىن بىزگە اقىلدى ادامدار، ماماندار كەرەك. وسىعان وراي، ءبىز باستامالى تۇردە باستاۋىش سىنىپتاردا ءبىزدىڭ بالالارعا IT- باعدارلامالاۋ داعدىلارىن، روبوتتىق تەحنيكانى مەڭگەرۋىن جولعا قويدىق» ، - دەيدى ول.

سونىمەن قاتار، ونىڭ ايتۋىنشا ج و و- لاردا باعدارلاما تۇبىرىمەن وزگەرتىلگەن. جوو- لاردا اقپاراتتىق قاۋىپسىزدىك بويىنشا التى بىردەي لابوراتوريا، سونىمەن قاتار مينيسترلىككە قارايتىن تاعى 3 لابوروتوريا قۇرىلعان.

 ەسكە سالا كەتسەك، كەشە استانادا ەلباسى نۇرسۇلتان نازاربايەۆتىڭ قاتىسۋىمەن «KADEX-2018» V حالىقارالىق كورمەسى اشىلعان بولاتىن. كورمە 26 - مامىرعا دەيىن جالعاسادى.