قازاقستاندىقتار ديماشتى تۋعان كۇنىمەن قۇتتىقتاپ جاتىر

None
None
الماتى. قازاقپارات - قازاقستاندىقتار جەلىدە بەلگىلى ءانشى ديماش قۇدايبەرگەنوۆتى 24 جاسقا تولۋىمەن قۇتتىقتاپ جاتىر، دەپ حابارلايدى قازاقپارات ءتىلشىسى.

قازاقستاندىقتار ينستاگرامداعى جاڭا كليپتىڭ استىنا قۇتتىقتاۋ قالدىرىپ جاتىر.

«تۋعان كۇنىڭمەن، ديماش! ەڭ الدىمەن دەنىڭ ساۋ بولسىن. ۇنەمى ەزۋىڭنەن كۇلكى كەتپەي، وسىنداي قاراپايىم، مەيىربان، ومىرگە قۇشتار قالپىڭنان تايما. شىعارماشىلىعىڭا زور تابىس تىلەيمىز»، - دەدى فاناتتار.

ايتا كەتۋ كەرەك، ءانشى تۋعان كۇنىنە وراي Screaming انىنە بەينەكليپ ءتۇسىردى.

قازاقستاندىق ءانشى ءوزىنىڭ جاڭا بەينەبايانىن 23 -مامىردا YouTube ۆيدەوحوستينگىندە جاريالاعان بولاتىن. ءبىر تاۋلىك ىشىندە ونى 12 مىڭ قولدانۋشى تاماشالاعان.



«ديماشتىڭ ەرەكشە ۆوكالى ساپالى ۆيدەوقاتارمەن ورىلگەن. عاجاپ ۆيزۋالدى ەففەكتىلەر مەن ەرەكشە داۋىستىڭ قوسىلۋىنان وسىنداي شەديەۆر تۋىنداعان»، - دەدى فاناتتاردىڭ ءبىرى Nephi Acaling.

بىلتىر ديماش تۋعان كۇنىنە قىتايلىق فاناتتارىنان تورت پەن قۇرمەت قاعازىن العان بولاتىن. سونداي-اق Guardians دەپ اتالاتىن جانكۇيەرلەر توبى ءانشىنىڭ تۋعان كۇنى قارساڭىندا استاناداعى ۇلكەن LED ەكرانداردا ديماش تۋرالى ۆيدەولاردى ورنالاستىردى.

ال استانالىقتار وعان مۋزىكالىق فلەشموب ۇيىمداستىردى.

 

سوڭعى جاڭالىقتار