كۇنى بويى وتىرۋدىڭ تاعى ءبىر قاۋپى انىقتالدى

None
None
 استانا. قازاقپارات - ميلان ۋنيۆەرسيتەتىنىڭ عالىمدارى اياقتارعا سالماق سالۋ نەيرودەگەنەراتيۆتى اۋرۋلاردىڭ، ونىڭ ىشىندە جۇلىننىڭ سەمۋى، شاشىراڭقى سكلەروزدىڭ تۋۋ قاۋپىن تومەندەتەتىنىن انىقتادى.

مامانداردىڭ ماقالاسى Frontiers in Neuroscience جۋرنالىندا جاريالاندى، دەپ حابارلايدى lenta.ru باسىلىمى.

ەكسپەريمەنت 28 كۇن بويى تىشقاندارعا جۇرگىزىلدى. ولاردىڭ قۇيرىعىن كلەتكاعا تاڭىپ قويىپ، تەك الدىڭعى اياقتارىمەن قوزعالاتىنداي ەتىپ جاسالعان. تاجىريبە بارىسىندا تىشقاندار دۇرىس قورەكتەندى جانە كۇيزەلىس بايقالمادى. سودان سوڭ ماماندار ورگانيزمدە ءومىر بويى جاڭا نەيرونداردى شىعارىپ وتىراتىن ميدىڭ سۋبۆەنتريكۋليارلى بولىگىنە تالداۋ جاسادى.

سوندا تىشقانداردىڭ ارتقى اياقتارىن قوزعالىسسىز قويۋ جۇيكە باعان جاسۋشالارىن 70 پروتسەنتكە ازايتىپ تاستاعان. ءيمپۋلستى بەرۋ جانە جۇيكە ءتىنىن وقشاۋلايتىن كوپتەگەن نەيرون تولىق جەتىلمەگەن.

سوندىقتان عالىمدار اياققا جاسالعان جاتتىعۋلار ساۋ جۇيكە تالشىقتارىن شىعاراتىن سيگنالدارعا مۇمكىندىك بەرەدى دەگەن قورىتىندى شىعاردى. ال قوزعالىس از بولعاندا تىندە وتتەك از بولادى. ول نەيرونداردىڭ مەتابوليزمىن وزگەرتەدى. بۇدان باسقا كەيبىر گەننىڭ بەلسەندىلىگى تومەندەيدى.

 

Baq.kz

سوڭعى جاڭالىقتار